ھێزێن ئەولەکاریا ھوندرین (ئاسایش) د ھەیاما 6 رۆژان دا، 98 کەسێن پێوەندی لگەل داعشێ دا هەیی، ل کامپا ھۆلێ دەستەسەرکرن.
ھێزێن ئەولەکاریا ھوندرین ژ رۆژا 25ێ تەباخا 2022یێ ڤە ب پشتگریا ھێزێن سووریەیا دەمۆکراتیک (ھەسەدێ)، یەکینەیێن پاراستنا گەل (یەپەگێ) و یەکینەیێن پاراستنێ یێن ژنێ (یەپەژێ) قۆناغا دویەمینا ئۆپەراسیۆنا “مرۆڤاھی و ئەولەکاری” ل ھوندرێ کامپا ھۆلێ دایە دەستپێکرن.
ل گۆری ئامارێن ھێزێن ئەولەکاریا ھوندرین، د ھەیاما ڤان 6 رۆژان دا، 98 کەسێن کو پێوەندی لگەل داعشێ دا هەیی ھاتنە دەستەسەرکرن، 96 کۆنێن کو ژ بۆ پەروەردەکرنا زارۆکان و بەلاڤکرنا ھزرا داعشێ دھاتن بکارئانین ھاتن راکرن.
ھەر وھا 3 تونەلێن کو چەتەیێن داعشێ ژ بۆ ڤەشارتنێ ب کار دئانین و ھەژمارەکا ئالاڤێن کوشتن و ئەشکەنجەکرنێ ھاتنە دیتن.
