فه‌رمانداره‌كێ نێزیكی قارایلان هات كوشتن
رێخستنا په‌كه‌كێ، ئیرۆ ژیان ژ ده‌ست دانا فه‌رمانداره‌كی خوه یێ هه‌په‌گێ ب ناڤێ «رێزان ئامه‌د» راگهاند كو د ئێریشه‌كه ده‌وله‌تا تركیێ ده ل باشوورێ كوردستانێ، هاتیه ئارمانج گرتن.
هه‌په‌گێ باسكێ له‌شكه‌ری یێ په‌كه‌كێ، ئیرۆ رۆژا پێنجشه‌می 1/9/2022ێ ژیان ژ ده‌ست دانا فه‌رماندارێ خوه یێ ب ناڤێ «ئۆمێد تارهان» و كۆدناڤێ رێزان ئامه‌د راگهاند و گۆت كو رێزان ل 22 گولانا ئیسال 2022ێ ل هه‌رێمێن پاراستنێ یێ مه‌دیا، ژ هێلا ده‌وله‌تا ترك ڤه هاتیه ئارمانج گرتن.
رێزان ئامه‌د ب كه‌سه‌كێ نێزی مورات كارایلان یێ رێڤه‌به‌رێ په‌كه‌كێ تێ ناس كرن و هه‌په‌گێ د داخویانیا خوه ده گۆتیه كو ئه‌مێ تۆلا وی هلینین.
گرێدای كوشتنا رێزان، سازیا ئیستخباراتا تركیێ، دوهـ رۆژا چارشه‌مێ 31/8/2022ێ راگهاند كو «ئۆمێد تارهان» یێ به‌رپرسێ مه‌شق و په‌روه‌رده‌هییا له‌شكه‌ری یا هه‌په‌گێ، د ئۆپه‌راسیۆنه‌كه «میتێ» ده ل چیایێ گاره هاتیه كوشتن.
رێزان كی یه؟
ناڤێ وی ئومێد تارهانه، ئه‌و ژ ئامه‌دێ یا باكورێ كوردستانێ یه، ناڤێ داییكا وی سه‌عاده‌ت عه‌بدوللا یه، ل سالا 2007 ته‌ڤلی رێخستنێن په‌كه‌كێ یێن ل ئه‌ورۆپایێ ببوو، پشتره ساله‌كێ ل ور هات زیندان كرن، ل سالا 2009ێ ته‌ڤلی ره‌فێن گه‌ریلا بوو، رێخستنێ ئه‌و شاندبوو رۆژئاڤا كوردستانێ و پشتره ڤه‌گوهه‌ست چیایێن باشوور، پشتره دبه فه‌رمانداره‌كی هه‌په‌گێ، ل رۆژا 18 گولانا ئیسال 2022ێ ژ هێلا تركیێ ڤه هات كوشتن.
