پارلامەنتەرێ هه‌ده‌پێ گەرگەرلیئۆگلو گۆت، «رێخستنا کو پەڤچوونان ددۆمینە (په‌كه‌كه) دڤێ دەست ژ چەکان بەردە و دڤێ د 1ێ ئیلۆنێ رۆژا ئاشتیێ دە ئەم پرسگرێکێن خوە ل پارلامەنتۆیێ چارەسەر بکن».
پارلامەنتەرێ هه‌ده‌پێ کۆجائەلیێ عومەر فارووق گەرگەرلیئۆگلو د جڤینا چاپەمەنیێ یا ل پارلامەنتۆیێ دە ب بیر خست کو ئیرۆ 1ێ ئیلۆنێ، رۆژا ئاشتیێ یا جیهانێ یە و گۆت کو دڤێ مرۆڤاهی سالێ جارەکێ ڤێ فرسەندێ ژ دەست نەدە.
گەرگەرلیئۆگلو دیار کر، ل جیهانێ دبە کو د ناڤبەرا جڤاک و کەسان دە پرسگرێک و شەر هەبن، لێ ئارمانجا مرۆڤاهیێ هەر تم گهشتنا ئاشتیێ بوویە.
گەرگەرلیئۆگلو دەستنیشان کر کو مرۆڤ ژ شەرێن جیهانێ و ناکۆکیێن هەرێمی گەلەک زرارێ دبینن و گۆت: «ئەم دزانن کو ل ترکیەیێ ژ بەر جوداهیێن ئۆلی و ئەتنیکی پرسگرێک و ناکۆکی هەنە، ل کو دەرێ پرسگرێک هەبن، ئاشتی لێ تونەیە، دڤێ چارەسەری هەبە، د 1ێ ئیلۆنێ رۆژا ئاشتیێ دە ئەم جارەکە دن دبێژن کو دڤێ د زووترین دەم دە پەڤچوونێن ژ بەر پرسگرێکا کورد دەرکەتنە ب داوی ببن».
گەرگەرلیئۆگلو دیار کر، دڤێ رێخستنێن کو تەڤلی شەرێ چەکداری دبن، تەکەز چەکێن خوە دەینن و گۆت: «رێخستنا کو پەڤچوونێ ددۆمینە، په‌كه‌كه دڤێ د 1ێ ئیلۆنێ رۆژا ئاشتیێ دە ب تەمامی چەکان دەینە و دڤێ ئەم پرسگرێکێن خوە ل پارلامەنتۆیێ چارەسەر بکن پەڤچوون، مرن و خوین کێری ت کەسی نایێ، ئەم نها د دەمەکێ دەنە کو دڤێ چارەسەری بێ دیتن».
Hürmüz Diril ve Şimoni Diril 8 Ocak 2020 tarihinde kaybolmuştu@adalet_bakanlik https://t.co/aEERF3ouCX
— Ömer Faruk Gergerlioğlu (@gergerliogluof) September 1, 2022
