لەشکەرەکی دنێ ترکیێ ل سینۆرێ هەرێما کوردستانێ هات کوشتن

وەزارەتا به‌رگریێ یا تركیێ ئیرۆ پێنجشەمێ راگهاند، لەشکەرەکی دن یێ ترکیێ ل ناڤچەیێن سینۆری یێن هەرێما کوردستانێ هاتیە کوشتن.

ئەفسەرێ ترکێ ب ناڤێ ئۆکان مه‌ته‌ئۆز د ئەنجاما تەقینا بۆمبەیەکێ دە بریندار بوو و پشتره‌ ژیانا خوە ژ دەست دا.

د داخویانیا وەزارەتا به‌رگریێ دە هات راگهاندن، ئۆکان مەتەئۆز د 1ێ ئیلۆنێ دە ل هەرێما ئۆپەراسیۆنا په‌نجه‌ كلیل ده‌ د ئەنجاما تەقینا بۆمبەیێ دە بریندار ببوو.

ئارتێشا ترکیێ د 18ێ نیسانا 2022ان دە ل دژی چه‌كدارێن په‌كه‌كێ ل هەرێمێن زاپ، مه‌تین و ئاڤاشینێ ئۆپەراسیۆنا بەژاهی و ئاسمانی دابوو یا ب ناڤێ په‌نجه‌ كلیل دا بوو ده‌ستپێكرن.