ل گۆر زانیاریێن باس نیوسێ، پەکەکێ سندۆقەک ئاڤا کریە کو تێ دا پارە ژ باشوورێ کوردستانێ وەربگرە. ل گۆر زانیاریێن بەردەست، پەکەکە ب دو ئاوایان پارە کۆم دکە، یەکەم ب گەفخوارنا کارساز و کەسایەتێن سیاسی و یا دویەم ژی ب رێیا بازرگانیێ.
چاڤکانیەک دیار دکە کو د سندۆقا ڤەشارتی دا حەسابەک ھەیە، ژ ئەورۆپایێ ھەژمارەکا مەزن ژ کادرۆ و ئەندامێن پەکەکێ ژ بۆ وێ پارەیان کۆم دکن و ژ باشوورێ کوردستانێ ژی چەندین کەس چاڤدێریا سندۆقێ دکن و پارەیان ژ بۆ کۆم دکن، سندۆقا ب ناڤێ (گرۆلەری فوند). بەرێ گەلەک پارە ژ بۆ ڤێ سندۆقێ ھاتیە کۆمکرن، ھندەک ژ وان ب رێیا بازرگانێن سلێمانیێ کو ب زەخت و زۆرێ ھاتنە گرتن، ھندەک ژی ب رێیا کەسایەتێن پەکەکێ یێن ل ھەرێمێ، وەکە کارکەر، خوەدی کارساز و خوەدیێن خوارنگەھان کوژمێ پارەیێ کو ژ بۆ کەسێن ژ لایێ پەکەکێ ڤە تێ خواستن دگوھەرە، ھندەک دگھێژە 3000 دۆلاران.
کۆما کۆمکرنا دراڤ ژ چار تیمان پێک تێ: تیمەک مەدیایا جڤاکی، تیمەک کارساز، تیمەک سیاسی، تیمەک بازار و کەدێ.
ل گۆر زانیاریێن باس نیوسێ، پەکەکە بەشەک ژ پەرەیێ کو ژ سندۆقێ وەرگرتیە، ب ناڤێ چالاکڤانێن سڤیل و تۆرێن جڤاکی ل دەرڤەیێ وەلات، ژ بۆ ھندەک کەسان خەرج دکە.
د چەند مەھێن بۆری دا ئەندامێ سەرکردایەتیا یەنەکێ و جیگرێ بەرپرسێ بارەگەھا وێ پارتیێ ل ھەرێما راپەرینێ ب ناڤێ «محەمەد شەمەروان» ژ ئالیێ پەکەکێ ڤە ھاتبوو دەستەسەرکرن، پشتی چەند مەھان د بن فشارا یەنەکێ دا ھاتبوو بەردان، لێ رەد کربوو ژ بۆ ئاشکەراکرنا ھوورگلیێن رەڤاندنا خوە و چاوانیا ئازادکرنا خوە.
لێ جیگرێ بەرپرسێ ناڤەندا یەنەکێ ل کۆیێ ئاسۆ کاکەرەش، کو وەک یەک ژ کەسێن ھەری نێزیک مام جەلال تێ ناسکرن، ئیرۆ ژ باس نیوسێ را گۆت: “ل ئەورۆپایێ دۆست و ھەڤالێن من ھەنە و ل ئەورۆپایێ ژی پێوەندیا من ب چەند سەرکردەیێن پەکەکێ ھەنە. مژارا محەمەد شەمەروان ل سەر ئیستخباراتێ بوو، پەکەکێ بێی کو لگەل یەنەکێ و پەدەکێ دا بشێورە دا وی کوژن، لێ ئەڤ ژ بۆ بدەستخستنا پارە بوو، ژ بەر کو شیانا وی تونە بوو، د داویێ دا ژ بۆ پەکەکێ پارە کۆم کر. ب 100 ھەزار دۆلاری ھات بەردان.”
ھەروھا ئاسۆ کاکەرەش گۆت: “یەنەکێ لگەل پەکەکێ ھەڤدیتنەک پێک ئانی و گۆتە وان رەوشا ھەرێمێ ل بەر چاڤان بگرن. ژ بۆ ئاگاھیا وە پێشمەرگە ل رۆژئاڤایێ کوردستانێ نە کو ئالیکاریا وان بکن. مافێ وە نینە، لێ ل قەرەداخ، کەلار و پێنجوێنێ بارەگەھێن خوە ڤەدکە، ئەڤ نە مومکنە، کارێ سەرەکی یێ پەکەکێ ل باکورێ کوردستانێ یە.”
ل گۆر زانیاریێن باس نیوسێ، پەکەکێ لیستەیەک ژ بۆ ھەموو بازرگانێن سلێمانیێ ئامادە کریە، کو دڤێ باجێ بدن، ژ بەر وێ ژی گەلەک پرسگرێک دەرکەتنە، ژ بەر کو پرانیا کاسبکاران ژ وێ یەکێ دترسن کو ل ناڤا حکوومەتێ گازندا ژ پەکەکێ بکن.
د بەردەوامیێ ژی دا ئاسۆ کاکەرەش دبێژە: “ئەگەر ھەرێما کوردستانێ ژ ھۆلێ رابە، دێ سێ پارچەیێن کوردستانێ تێک چن. ژ بەر وێ ژی مە داخواز ژ پەکەکێ کریە کو سیاسەتا خوە بنرخینە و ب ئاشکەرایی گۆتیە وان کو نەکەڤنە ناڤ باژار و دەولەمەندیێ و دەستێوەردانا د ناڤ کارووبارێن یەنەکێ دا.”
