وەزیرێ ناڤخوەیێ ترکیایێ سولەیمان سۆیلو، ئیرۆ تێ دیاربەکرێ و بەشداری چالاکیا مالباتێن کو ل بەر دەرێ ئاڤاھیا ھەدەپێ یا دیاربەکرێ خێڤە ڤەدانە دبە.
مالباتێن کو ئەڤ چار سالن ل بەر دەرێ ھەدەپێ ئیدیعا دکن کو زارۆکێن وان ب ناڤبەینکاریا سیاسەتمەدارێن ھەدەپێ گھشتنە ھێزێن پەکەکێ. ل بەر دەرێ ھەدەپێ پشتی کۆنگرەیا رۆژنامەگەری دێ سولەیمان سۆیلو و مالبات بھەڤرا ل دەردۆرا ئاڤاھیا ھەدەپێ بمەشن.
ھەتا نھا ب گشتی 304 مالبات بەشداری چالاکیێ بوونە و زارۆکێن 37 مالباتان ل وان ڤەگەریانە. مالباتێن کو ھێژ چارەنڤیسا زارۆکێن خوە نزانن دبێژن ھەتا کو ئەو زارۆکێن خوە نەبن دەست ژ چالاکیا خوە بەرنادن.
رایەدارێن ھەدەپێ ژی ئیدیعایێن مالباتان رەد دکن و دبێژن؛ دڤێت مالبات زارۆکێن خوە ژ حکوومەتێ بخوازن.
