ل دوھۆکێ ئاگر ل کامپەکا ئاوارەیێن شنگالێ کەت

ل ناڤچەیا سێمێلا سەر ب پارێزگەھا دوھۆکێ ئاگر ب کامپەکا ئاوارەیێن شنگالێ کەت و 12 چادر شەوتین.

بەرپرسێ تیمێن ئاگرکوژیێ یێ سێمێلێ راگھاند، تیمێن وان کارینە ئاگر کۆنترۆل بکن کو 12 چادر شەوتین و ھەموو کەلووپەلێن ناڤ چادران ژناڤ چوونە، لێ زیان نەگھیشتیە جانێ چ کەسی.

ل گۆر لێکۆلینێن دەستپێکێ، کارەبا بوویە سەدەما شەواتێ، ژ بەر کو سیستەما ئەلەکتریکێ یا ل ناڤ کامپێ نەھاتیە رێکخستن.

بەشەک ژ نشتەجیێن ل ناڤ کامپێ بەحسا وێ یەکێ دکن کو دڤێت کامپا وان بهێتە چاککرن و ب کەرەستەیێن بیناسازیێ بهێتە چێکرن، دا کو بوویەرێن شەواتا چادرێن وان دوبارە نەبن.