ل سلێمانیێ بۆمبەیەک ب کادرەکی بەرەیا ترکمەنی یا ئيراقێ دە تەقیا

ل تاخا شێخان يا پارێزگەها سلێمانیێ، بۆمبەیەک ب کادرەکی بەرەیا ترکمەنی یا ئيراقێ دە تەقیە و د ئەنجاما تەقینێ دە هەردو لنگێن خوە ژ دەست دان.

ئیرۆ شەمیێ 3یێ ئیلۆنا 2022ێ، بەردەڤکێ بەرەیا ترکمەنی یا ئیراقێ محەمەد سەمان ژ کوردستان24ێ رە راگهاند، بۆمبەیەکە ڤەدایی ب ئۆتۆمۆبیلا کادرەکی بەرەیا ترکمەنی دە ل ئۆفیسا سلێمانیێ هاتیە دانین و د تەقینێ دە کادرێ بەرەیا ترکمەنی هەردو لنگێن خوە ژ دەست دان.

محەمەد سەمان ئەشکەرە کر، بەریا نها نامەیا گەفخوارنێ ژ ئالیێ چەکدارێن په‌كه‌كێ ڤە ژێرە هاتیە شاندن و ژ ئالیێ وەزارەتا ناڤخوە یا ئیراقێ ڤە هاتیە ئاگاهدارکرن کو گەف ل سەر وی هەیە.

هێزێن پۆلیس و ئاساییشا سلێمانیێ چوونە جهێ بوویەرێ و دەست ب لێکۆلینا بوویەرێ کرنە و ئۆتۆمۆبیلا وی ژ جهێ بوویەرێ هاتیە ڤەگوهەستن.