پارتیا كاركه‌ران وه‌كه هه‌ر رۆژ ناسنامه‌یا 3 جوانێن دن راگهاند یێن كو به‌ریا 3 مه‌ها ل باشوورێ كوردستانێ ب ده‌ستێ ئارتێشا تركیێ دانه كوشتن و ژ نووڤه مرنا وان ئه‌شكه‌ره كر.
رێخستنا په‌كه‌كێ هه‌ر رۆژ وێنه‌یێن كۆمێن زارۆك و جوانێن كوردان پارڤه‌دكه یێن كو د به‌رخوه‌دانا خوه یا ساخته ده دده كوشتن، دوهـ رۆژا شه‌می 3/9/2022ێ ژی ناسنامه‌یا 3 جوانان راگهاند دو ژێ ل 17 تیرمه‌ها ئیسالێ و یه‌كێ دن ل 16 خزیرانێ ل باشوورێ كوردستانێ ب ده‌ستێ ئارتێشا ده‌وله‌تا ترك دانه كوشتن.
هه‌په‌گێ باسكێ له‌شكه‌ری یێ په‌كه‌كێ، دوهـ رۆژا شه‌می و پاش ده‌رباسبوونا نێزی 3 مه‌ها ژ نوو ڤه مرنا ڤان جوانان ئه‌شكه‌ره كر و گۆتیه مه هه‌ڤالێن خوه یێن ملیتانێن ئاپۆ وه‌ندا كرن.
ناڤێن ڤان چه‌كدارێن په‌كه‌كێ وسایه:
نەجاتی ئووتکوو کیراز، فەرهات ئاتساک و مەسووت ئاکیوز كو ژ مێرسینێ، وانێ و سه‌مسوورێ نه.
په‌كه‌كه هه‌ر رۆژ وێنه‌یێن زارۆكێن كوردان د مه‌دیایا خوه ده به‌لاڤ دكه، ئه‌ڤ زارۆك ل سالێن به‌رێ هاتنه فه‌دا كرن و پاش ده‌رباسوونا ده‌مه‌ك درێژ ژ نوو ڤه رێخستن مرنا وان ئیلان دكه.
پارتیا كاركه‌را ژ بۆی چێكرنا شه‌رڤانان، زارۆكێن كوردان ژ هه‌ر چار په‌رچه‌یێن كوردستانێ د ره‌ڤینه، رێخستنێن پاراستنا مافێن زارۆكان یێن ناڤده‌وله‌تی ئه‌ڤ یێك ته‌سبیت كریه.
