دەزگەها هەوالگیریا ترکیێ (میتێ) کوشتنا بەرپرسەکی دنێ پارتیا كاركه‌را ل قەزایا شنگالێ راگهاند.
ئاژانسا «ئانادۆلو» راگهاند، د ئۆپەراسیۆنەکە میتێ دە رێڤەبرێ په‌كه‌كێ یێ ب ناڤێ بەدرخان ئابی (داراڤ گەڤدا) ل شنگالێ هاتیە کوشتن.
میتێ دیار کر کو بەدرخان ئابی وەلاتیێ باکورێ کوردستانێ یە و ل شنگالێ د ئاستا بەرپرسیاریێ دە تەڤدگەرە.
بەدرخان ئابی کو د سالا 2011ان دە ژ بەژاهیا شرنەخێ تەڤلی ناڤا رەفێن په‌كه‌كێ ببوو، پشتی ل شرنەخێ چالاکیێن چەکداری پێک ئانین، بەرێ خوە دابوو بەژاهیا جۆلەمێرگێ/گەڤەرێ.
دا زانین ژی، بەدرخان ئابی، پشت رە ژ ئالیێ رێڤەبریا په‌كه‌كێ ڤە ژ بۆ شنگالێ هاتیە شاندن و ل شنگالێ بوو بەرپرسێ توگایا په‌كه‌كێ/یه‌به‌شێ.
رۆژا 31ێ تەباخا بۆری ژی، دەزگەها هەوالگیریا ترکیێ (میتێ) راگهاندبوو، بەرپرسێ مه‌شقا په‌كه‌كێ یێ تەقه‌مەنیان ئومید تارهان د ئۆپەراسیۆنەکە تایبەت دە ل چیایێ گارێ هاتبوو کوشتن.
