هەلیکۆپتەرەکە لەشکەری یا ترکیێ ل ناڤچەیێن سینۆری یێن هەرێما کوردستانێ کەتە خوارێ و هەژمارەک لەشکەران تێ دە بوون.
وەزارەتا بەرەڤانیێ یا ترکیەیێ ده‌ربارێ مژارێ دە داخویانیەک بەلاڤ کر و دا زانین، دوهی 4ێ ئیلۆنێ ل هەرێما «ئۆپەراسیۆنا پەنچە – کلیتێ» هەلیکۆپته‌رەکا وان یا ژ جورەیا سکۆرسکای ژ بەر سەدەمێن تەکنیکی کەتیە خوارێ.
دیار کر ژی، ژ 8 لەشکەرێن کو د هەلیکۆپتەرێ دە بوون، 7 لەشکەر هاتنە رزگارکرن و ژ بۆ رزگارکرنا لەشکەرێ دن ژی هەولێن وان بەردەوامە.
هێزێن پاراستنا گەل هه‌په‌گێ باسكێ له‌شكه‌ری یێ په‌كه‌كێ، بەری نها د داخویانیێن رۆژا شەمی و یەکشەمێ دە خستنا دو هەلیکۆپتەرێن سکۆرسکای یێن ئارتێشا ترکیێ راگهاندبوو.
ئارتێشا ترکیێ د 18ێ نیسانا 2022ێ دە ب رێیا بەژاهی و ئاسمانی، ئۆپەراسیۆنەکە ب ناڤێ “پەنچە-کلیت” ل دژی په‌كه‌كێ ل دەڤەرێن زاپ، مەتینا و ئاڤاشینێ دایە دەستپێکرن.
