هه‌په‌گێ باسکێ چەکداری یێ په‌كه‌كێ پشتی 5 سالان پشتراست کر کو فەرماندارەکێ پایەبلندێ وان د ئێریشەکە ترکیێ دە جانێ خوە ژ دەست دایە.
ناڤەندا راگهاندن و چاپەمەنیێ یا هپگێ ئیرۆ دوشەمبێ 5ێ ئیلۆنا 2022ێ د داخویانیەکێ دە راگهاند، یەک ژ فەرماندارێن پایەبلندێن گەریلایێن په‌كه‌كێ ب ناڤێ «عەزیز کووتلوو» و ناسناڤێ «مۆردەم بۆتان دلبرین» بەری 5 سالان جانێ خوە ژ دەست دایە.
هپگێ دایە خویاکرن، کو عەزیز کووتلوو «رۆژا 5ێ ئیلۆنا 2017ێ ل بۆتانێ د ئێریشەکە ئارتێشا ترکیێ دە» جانێ خوە ژ دەست دایە.
هپگێ دیار کریە، کو ئەو فەرماندارێ په‌كه‌كێ ل گوندێ ناڤیان یا شێخانێ ل قونتارا چیایێ پیرۆیێ ل هەرێما بەستا یا بۆتانێ ژ دایک بوویە، سالا 2014ێ ل هەرێما بەستایێ تەڤلی رەفێن گەریلایێن په‌كه‌كێ بوویە و ل شرنەخێ و گەلەک جهێن دن یێن کوردستانێ ئەرک و بەرپرسیاری وەرگرتنە.
ل گۆر داخویاییا هه‌په‌گێ، مۆردەم بۆتان «یەک ژ ئه‌ندازیارێن بەرخوەدانا خوەرێڤەبەریێ یا شرنەخێ» بوویە و تەڤلی پێڤاژۆیا «گەشەدانا یەکینەیێن پاراستنا سڤیلان (یپس)» ژی بوویە.
