«دارکا مازی» پەیوەندیێن مامۆستەیەکێ زانینگەها سلێمانیێ لگەل رەژێما ئیرانێ ئاشکەرا دکە

«دارکا مازی» پەیوەندیێن مامۆستەیەکێ زانینگەها سلێمانیێ لگەل رەژێما ئیرانێ دا ئاشکەرا دکە

هندەک ژ رێکخراوێن جڤاکا سڤیل ل باشوورێ کوردستانێ ژ ئالیێ ئیرانێ ڤە تێن پشتەڤانیکرن و ب ڤێ رێیێ ئەجیندایا ئیرانێ ل باشوور جێبەجێ دکن.

ل باشوورێ کوردستانێ هەژمارەکا هەری زێدە یا رێکخراوێن جڤاکا سڤیل هەنە کو هندەک ژ وان ژ ئالیێ پارتیێن باشوور ڤە تێن پشتەڤانیکرن و هندەک ژی خوە وەکە رێخستنێن بێ ئالی نیشان ددن، لێ د راستیێ دا ژ ئالیێ دەولەتێن داگیرکەرێن کوردستانێ ڤە تێن پشتەڤانیکرن.

ل گۆر ئاگاهیێن تایبەت یێن پێگەها «دارکا مازی»، هەژمارەک ژ رێکخراوێن جڤاکا سڤیل ل سلێمانیێ ژ ئالیێ ئیران، پەکەکێ و ئالیگرێن فەتحوللا گولەن ڤە تێن پشتەڤانیکرن، ب ڤێ یەکێ ژی ئەڤ رێکخراوە دبنە ئاموورێ د دەستێ ڤان ئالیان دا ژ بۆی جێبەجێکرنا ئەجیندایێن وان یێن سیاسی ل باشوورێ کوردستانێ.

بۆ میناک، رێکخراوا زەهاوی یان ژی «سەنتەرێ زەهاوی» ل باژارێ سلێمانیێ کو «د. سەباح بەرزنجی» برێڤە دبە، هەر تم کار و چالاکیان ئەنجام ددە، هەتتا ل دەما کریزێن ئابۆری دا ژی ئەڤ سەنتەرە ژ چالاکیان دوور نەبوویە و هەر دەم چالاکی ئەنجام داینە، ژ بەر کو ئیران ئالیکاریا ماددی یا ڤی سەنتەری دکە.

یەک ژ مامۆستەیێن زانینگەها سلێمانیێ کو نەخوەست ناڤێ وی بهێت ئەشکەرە کرن ژ «دارکا مازی» را راگهاند، ب رێیا د. سەباح بەرزنجی بەشا لەکۆلینێ یا زانینگەها سلێمانیێ، تێکلیێن بهێز ب ئیرانێ را چێکرنە و د. سەباح بەردەوام سەرەدانا ئیرانێ دکە.

رێخستنا زەهاوی خوە وەکە رێخستنەکە نەحکوومی و نەسیاسی و سەربخوە و خوەدی کەساتیا مەعنەوی کو کار دکە ژ بۆی خورتکرن و بهێزکرنا فکر و مەعریفەیا سەردەم ل کوردستانێ، نیشان ددە، بارەگەها سەرەکی یا ڤێ رێخستنێ دکەڤە باژارێ سلێمانیێ ل باشوورێ کوردستانێ.

پوستێن ھەمان بەش