ل ناڤچەیا «شەھیتکامیل» یا باژارێ دیلۆکێ یێ باکورێ کوردستانێ، د کارگەھەکا چێکرنا پێلاڤان دا تەقینەکێ روودا، د ئەنجاما تەقینێ دا کەسەکێ جانێ خوە ژ دەست دا و کەسەک ژی بریندار بوو.
ل باژارێ دیلۆکێ، د کارگەھەکا پێلاڤان دا ژ بەر سەدەمەکا ھێژ نەدیار، تەقینەکێ روودا و ژ بەر تەقینێ وەلاتیێن ب ناڤێ «قادر ئەرسەلان» یێ ٤٥ سالی و «ئەنەس ئەرسەلان» یێ 24 سالی کو د کارگەھێ دا بوون، بریندار بوون.
ل سەر ئاگاھدارکرنا وەلاتیێن ل دەڤەرێ، ئامبولانس ھاتن جھێ بوویەرێ و ھەر دو بریندار راکرن نەخوەشخانەیا دەولەتێ یا عەبدولقادر یوکسەل.
ھەرووھا ھات راگھاندن کو بریندارێ ب ناڤێ ئەنەس ئەرسەلان ل نەخوەشخانەیێ جانێ خوە ژ دەست دایە.