ھێزێن چەکدارێن پارتیا کارکەرێن کوردستانێ (پەکەکێ) ب ماسکە، برایێ سەرکردەیەکی یەکیتیا نشتمانیا کوردستانێ (یەنەکێ) گرت و پشتی ھەولدانەکا زێدە ئەو سەربەست بەردان.
ل گۆر زانیاریان، د چەند رۆژێن بۆری دا برایێ جیگرێ بەرپرسێ ناڤەندا یەنەکێ ل رانیا «قادر وەتمان» ب کارێ خوە چوویە ھەرێمێ. ل خالەکا کۆنترۆلێ چەکدارێن پەکەکێ برایێ «قادر وەتمان» ب ماسکە راوەستاندنە و دەستەسەر کرنە.
پشتی دیتنا وێنەیێ قادر واتمان د مۆبایلا وی دا، ھێزێن پەکەکێ برایێ وی بەرپرسێ یەنەکێ دەستەسەرکرنە و پاشێ پێوەندی ب بەرپرسێن خوە کرنە، لێکۆلینەکە بەرفرەھ ل گەل وی کرنە.
پشتی کو قادر واتمان زانی کو برایێ وی ژ ئالیێ پەکەکێ ڤە ھاتیە گرتن، وان د ناڤا یەنەکێ دا گەلەک فشار کرنە داکو رازی بن بۆ ئازاد کرنا برایێ وی.
ژ بلی خەلکێ، پرانیا کادرۆیێن یەنەکێ ژی دترسن سەردانا وان ناڤچەیێن کو پەکەکە لێ ھەیە بکن، ژ بەر کو خالێن کۆنترۆلێ یێن پەکەکێ مۆبایلان و ھەموو تشتێن خەلکێ کۆنترۆل دکن.
