سەرۆکێ ئۆدەیا ئۆپەراسیۆنێن ھەڤبەشێن ئیراق و کوردستانێ بابەکر زێباری گۆت، باوەریا ھەڤپەیمانان ب ھێزێن پێشمەرگە د ئاستەکێ بلند دایە و بەردەوامن ل سەر راھێنانکرنا وان و بەردەوامیا پشتەڤانیا ھێزێن پێشمەرگە، لێ د ھەمان ئاستێ دا ژ تەڤگەرا پەکەکێ یا ل کوردستانێ گەلەک نیگەرانە.
ھەروھا بابەکر زێباری دبێژە: “ھێزێن ھەڤپەیمانان ل سەر ھەولێن خوەیێن یەکخستنا ھێزێن پێشمەرگە بەردەوامن، ژ بەر وێ ژی ب بەردەوامی ھەول ددن وان بکن یەک و ئالیکاریێن مادی، لۆژیستیک، چەک و جەبلخانەیان پێشکێشی وان بکن.
بابەکر زێباری، دبێژە: “ل سەر ئاستا ناڤدەولەتی و ئامەریکا ژی ژ تەڤگەرا پەکەکێ یا ل باژار و گوندێن کوردستانێ نیگەرانە. ئانھا ب ئاشکەرایی پەکەکێ ژ ھێزێن ئیستیخباراتی یێن ھەرێمێ رە کار دکن. چ کارێ پەکەکێ ل خەلیفانێ ھەیە؟ ھایا مە ژ پلانا پەکەکێ ھەیە. ھەول ددن ئالۆزیا ل سلێمانیێ ببن ھەولێر و دوھۆکێ و حکوومەتێ تاوانبار بکن.
د بەردەوامیێ ژی دە بابەکر زێباری ئاشکەرا کریە: “پەکەکێ مەترسی ل سەر یەنەکێ چێکریە و حەسابێ ژ بۆ چ کەسێ ناکن. نھا ژی دخوازن ل سینۆرێ ھەولێر و دوھۆکێ تەڤگەرا خوە چێبکن و ترکیا ئێرشی وان بکە. پەکەکە ل ئامەریکایێ وەک رێخستنا تەرۆرێ ھات قەبوولکرن. ئامەریکا ژ تەڤگەرا ڤێ داویێ یا پەکەکێ ل سینۆرێ خەلیفان نیگەرانە و ژ بۆ وان تێکدانا ئارامیا کوردستانێ خەتا سۆرە، لەوما تەڤگەرا پەکەکێ ژ بۆ وان سەیرە و نھا پرسگرێکێن وان ل رۆژئاڤایا کوردستانێ ژی لگەل پەکەکێ ھەنە.”
