وەزارەتا بەرەڤانییا ترکیێ راگھاند، ل سەر سینۆرێ ترکیا و سووریێ لەشکەرەک ھات کوشتن.
ل گۆر داخویانیا وەزارەتا بەرەڤانییا ترکیێ، ل سەر سینۆرێ ترکیا و سووریێ، ل نێزیکی باژارێ عەفرینێ یێ رۆژئاڤایێ کوردستانێ، رۆژا 23یێ تەباخێ ئێریشەک ل دژی ھێزێن ترکیێ ھاتیە کرن و چاوشێ پسپۆر «رەمەزان ئوچاکچ» د وێ ئێریشێ دا بریندار بوویە.
ھات ئەشکەرەکرن کو لەشکەرێ بریندار ژ بۆ تەداویێ بۆ نەخوەشخانەیێ ھاتیە ڤەگوھەستن، تەڤی ھەموو ھەولدانان، دوھ رۆژا 9ێ ئیلۆنێ ل نەخوەشسانەیێ جانێ خوە ژ دەست دایە.
ژ ئالیەکێ دن ڤە ئارتێشا ترکیێ چەند گوندێن سینۆرێ باژارۆکێ تل تەمر بۆمبەباران کریە.
د ڤان دەمێن داوی دا ترکیا چەند ناڤچەیێن رۆژئاڤایێ کوردستانێ تۆپباران و بۆمبەباران دکە، ھەروھا گەفا ئەنجامدانا ئێریشەکە بەژاھی ل دژی رۆژئاڤایێ کوردستانێ دخوە.
