سەرۆک مەسعوود بارزانی ژ بۆ سالڤەگەرا شۆرەشا ئیلۆنێ پەیامەک بەلاڤ کر و راگهاند کو ئەو شۆرەشا ئیرادە و خوەباوەریا مرۆڤێ کوردستانی بوو کو بنگەهەکە بهێز و رێکخستی ژ بۆ بەردەوامیا تێکۆشین و راوەستانا گەلێ کوردستانێ ل دژی زلم و زۆرداریێ ئاڤا کر.
سەرۆک بارزانی ئیرۆ یەکشەمبێ 11 ئیلۆنا 2022ێ د 61 مین سالڤەگەرا شۆرەشا ئیلۆنێ دە پەیامەک بەلاڤ کر.
سەرۆک بارزانی د پەیاما خوە دە شۆرەشا ئیلۆنێ وەکە تێکۆشینا نەتەوەیی و دەمۆکراتیک یا گەلێ کورد ب ناڤ کر و گۆت: «هەموو پێکهاتەیێن ئەتنیکی و ئۆلی یێن کوردستانێ د بن سەرۆکاتیا نەمر بارزانی دە ل دژی زولم و داگیرکەریێ ل کێلەکا کوردان شەر کرن».
سەرۆک بارزانی هەر وها ئانی زمان: «ب نرخێن خوە یێن بلند و ئیسرار و بەرخوەدانا سەرکردایەتی، پێشمەرگە و گەل، دۆزا رەوا یا گەلێ کوردستانێ کر کو پێنگاڤەکە مەزن باڤێژە و ببە چاڤکانیا هێزێ ژ بۆ قۆناغێن دن یێن تێکۆشینا گەلێ کوردستانێ، هەر وها ژ بۆ تێکۆشەرێن هەموو پارچەیێن دن یێن کوردستانێ ژی چاڤکانیا ئیلهامێ یە».
