هات هینبوون یەک ژ کادرۆیێن پەکەکێ یێ کو د ناڤا رەفێن رێخستنا «جوانێن شۆرەشگەر» دە کار دکە، دەستدرێژیا سێکسی کریە سەر کەچەکا ئەندام د ڤێ رێخستنا پەکەکێ دە و پشترا ئەڤ کارێ وان ئێ دوور ژ ئەخلاق ئەشکەرە بوویە.
چاڤکانیێن هەرێمی ل رۆژئاڤا کوردستانێ ژ «دارکا مازی» رە ئەشکەرە کرن، کادرۆیەکی پەکەکێ یێ ب ناڤێ «خەلیل شێخ محەمەد» ب کۆد ناڤێ «جات کۆبانی» کو بەرپرسێ جوانێن شۆرەشگەر یێن سەر ب پەیەدێ یە ل رۆژهلاتێ باژارۆکێ کۆبانێ، و ب ئەسلا خوە شێنیێ باژارێ ئورمیێ یێ رۆژهلاتێ کوردستانێ یە، دەست درێژیا سێکسی کریە سەر یەک ژ ئەندامێن کەچ یێن جوانێن شۆرەشگەر و پشترە ئەشکەرە بوویە.
چاڤکانیان ژ «دارکا مازی» رە ئەشکەرە کرن، «خەلیل شێخ محەمەد» لگەل یەک ژ ئەندامێن کەچ یێن د ناڤا رەفێن «جوانێن شۆرەشگەر» دا سێکس ئەنجامدایە، ژ ئەنجاما ڤێ دەستدرێژیا سێکسی کەچا ب ناڤێ «زەینەب» دوگیان بوویە، ڤێ یەکێ ژی باندۆرەک نەرینی ل وێ کەچێ کریە.
هەر وەها ل گۆر ئاگاهیێن تایبەت یێن ب دەست رووپەلا «دارکا مازی» کەتنە، کەچا ب ناڤێ «زەینەب» کو ئەنداما جوانێن شۆرەشگەرە، ژ بەر ڤێ یەکێ سکالا ل دژی کادرۆیێ پەکەکێ یێ ب ناڤێ «خەلیل شێخ محەمەد» ڤەکریە، ژ بەر ڤێ یەکێ ئاساییشا پەیەدێ ئەڤ کادرۆیێ پەکەکێ ب تاوانا ئەنجامدانا سێکسێ دەستەسەر کریە، هەیا نها ژی نایێ زانین چارەنڤیسا ڤی کادرۆیێ پەکەکێ وێ چبە.
