ھەژمارەک مەزن ژ کارمەند و بەرپرسێن نوونەراتیا سلێمانیێ یا سەر ب پەکەکێ ڤە گەفا ئیستیفایێ کرن و داخواز ژ پەکەکێ کرن کو دەست ژ کار و بارێن خوە بەردە. رایەدارەکی یەنەکێ ل سەر ڤێ یەکێ ئاگاھیان ددە.
ل گۆر زانیاریێن باس نیوسێ، د ناڤبەرا نوونەراتیا رێڤەبەریا رۆژئاڤایێ کوردستانێ ل سلێمانیێ و بەرپرسێن پارتیا کارکەرێن کوردستانێ (پەکەکێ)یا ل قەندیلێ دا ناکۆکی دەرکەتیە کو پەکەکە ل سلێمانیێ چ دکە. زەخت گھشتیە وێ ئاستێ کو پەکەکێ گۆتیە ھەموو نوونەرێن رێڤەبەریا رۆژئاڤایێ کوردستانێ یێن سلێمانیێ کو ئەو ل ڤر نوونەرتیا پەکەکێ دکن.
باس نیوس زانی، یەنەکە ژی نیگەرانە کو نوونەراتیا پەیەدێ و رێڤەبەریا رۆژئاڤایێ کوردستانێ ل سلێمانیێ ژ ئالیێ پەکەکێ ڤە تێ بکارئانین و پەکەکە ژی ب ناڤێ وێ نوونەرتیێ چالاکیێن جودا دکە. ژ بەر ڤێ یەکێ یەنەکە تەرجیح دکە کو رێڤەبەریا رۆژئاڤا نە وەکە نھا، دەستوورا فەرمی ژ وەزارەتا ناڤخوە وەربگرە.
د ڤێ دەربارێ دا جیگرێ بەرپرسێ مەکتەبا کۆیە یا نڤێسینگەها رێخستنی یا یەنەکێ «ئاسۆ کاکەرەش» ژ باس نیوسێ را گۆت: “من سەردانا رێڤەبەریا رۆژئاڤایێ کوردستانێ ل سلێمانیێ کر و ب ئەشکەرە ژ وان پرسی کا ئەو نوونەراتیا گەلێ رۆژئاڤایێ کوردستانێ دکن یان نوونەراتیا پەکەکێ دکن. تشتا کو ئەز بەحس دکم مەتنا داخویانیێن رایەدارێن رێڤەبەریا رۆژئاڤایێ کوردستانێ یا سلێمانیێ یە.”
ھەروھا ئاسۆ کاکەرەش گۆت: “رێڤەبەریا رۆژئاڤا گۆتە من، ئەم نە نوونەرێن پەکەکێ نە، ئەم نوونەرێن رۆژئاڤایێ کوردستانێ و پەیەدێ نە، نە پەکەکێ ب ڤی رەنگی دەستوەردانا کارووبارێن مە بکە، من ژ وان را گۆت، تەنێ ھەستە، لێ نە وسایە. ژ بۆ یەنەکێ و حکوومەتێ پرسگرێکان چێدکن، ھوون نافکرن کو کوردستان د پاشەرۆژێ دا نکاربە ئالیکاریا وە بکە، رێزێ ل باشوورێ کوردستانێ بگرن، ژ بەر کو ئەگەر ئەڤ ئەزموون بکەڤە مەترسیێ، ھوون نکارن تێ دا بژین.”
د بەردەوامیێ ژی دا ئاسۆ کاکەرەش راگهاند: “ئەگەر چالاکیێن پەکەکێ د ناڤا بارەگەھا نوونەراتیا رۆژئاڤایێ کوردستانێ یا ل سلێمانیێ دا بێن کرن، تشتەکی خرابە، دڤیابوو پەکەکێ دەستوورنامەیەک فەرمی ژ وەزارەتا ناڤخوە وەربگرتا. پرسگرێکا پەککەێ نە ل ھەرێما کوردستانێیە، نە ل رۆژئاڤا و رۆژھلاتێ کوردستانێ یە، بەلکو ب حکوومەتا ترکیێ رایە، یەنەکێ بەردێلێن گران دان بۆ ھەلوەستێن خوە.”
