ئیرۆ سالا نوویا پەروەردەھیێ ل ھەرێما کوردستانێ دەست پێ دکە و سەرۆکوەزیرێ ھەرێما کوردستانێ مەسروور بارزانی ل دبستانەکە قەزایا بەردەرەشێ بەشداری مەراسیما لێدانا زەنگلێ سالا نوویا پەروەردەھیێ دبە.
نڤیسگەھا سەرۆکوەزیرێ ھەرێما کوردستانێ بەلاڤ کر، ئیرۆ دەمژمێر ٠٨:٠٠ ب ئامادەبوونا سەرۆکوەزیر مەسروور بارزانی زەنگلێ دەستپێکرنا سالا نوویا پەروەردەھیێ ٢٠٢٢-٢٠٢٣ ل دبستانا ئەیلوول ل قەزایا بەردەرەشێ تێ لێدان.
ل گۆری رێنمایێن وەزارەتا پەروەردە، سێ رۆژێن دەستپێکێیێن دەوامێ، تایبەتن ناسینا خوەندەکاران ب پۆلێن وان و دانینا خشتەیا وانەیان. ھەر وھا د سێ رۆژێن دەستپێکێ دە وانە تایبەتن ب:
– ھەزکرنا کوردستانێ و پێشخستنا کولتورا پێکڤەژیانێ.
– ھشیاری و دایینا زانیاریان ل سەر ئالیێن نەرێنییێن بکارانینا چەک و ئاموورێن تووژ.
– پاراستنا ژینگەھێ و ئاڤێ، وەک سامەنەکی نشتمانی و ئاوایێ باشیا بکارانینا وێ.
– چاوانیا بکارانینا تەکنۆلۆژیا و ئاموورێن ئەلەکترۆنیک و دوورکەتنا ژ ئالیێن وێیێن خراپ.
– خوەندەکار ژ بلی سوودوەرگرتنا ژ ڤان رێنمایییان، پێویستە سوودێ ژ وانەیێن وەرزش و ھونەرێ ژی وەربگرن.
