ژ ئیرۆ سپێدێ 18ێ ئیلۆنێ ڤە، هێزێن ترکیێ گوندێن قەرەمۆخ و زۆرمخارێ یێن ل رۆژهلاتێ کۆبانی تۆپباران دکهن.
گوندێن قەرەمۆخ، زۆرمخار، کولتەپ و کۆرانێ یێن کۆبانیێ ژ ئالیێ ترکیێ ڤە تێن تۆپباران کرن و د ئەنجامێ دە پێلەکە کۆچبەریێ بەر ب باژارێ کۆبانیێ ڤە دەست پێ کریە.
ل گۆر چاڤکانیێن رێڤەبەریا خوەسەر، ژ دەمژمێر 07:30ێ سەرێ سبەها ئیرۆ ڤە هێزێن ترکیێ گوندێ قەرەمۆخ و زۆرمخارێ یێن ل رۆژهلاتێ کۆبانی تۆپباران دکن، د ئەنجامێ دە جوانەک ل گوندێ قەرەمۆخێ بریندار بوو.
دەستپێکا ئیلۆنێ ژی، ل گوندەوارێن رۆژهلاتێ کۆبانی جۆتکارەکی کورد ل ناڤ زەڤیا خوە نێزیکێ سینۆرێ ترکیێ ب گوللـەیێن جەندرمەیێن ترکیێ هاتبوو کوشتن.
هێزێن ترکیێ هەر وها گوندێن تل تەویل، تەویلە و ئەببۆش ل ناڤچەیا تل تەمرێ ل باکورێ رۆژئاڤایێ باژارێ حەسەکێ یێ رۆژئاڤایێ کوردستانێ تۆپباران كرنه، لێ ت زانیاری ل سەر زەراران نەهاتنە دایین.
ل گۆر چاڤکانیێن رێڤەبەریا خوەسەر، ژ سبەها ئیرۆ 18ێ ئیلۆنێ ڤە، هێزێن ترکیێ گوندێن تل تەویل، تەویلە و ئەببۆش ل ناڤچەیا تل تەمرێ ل باکورێ رۆژئاڤایێ باژارێ حەسەکێ یێ رۆژئاڤایێ کوردستانێ تۆپباران كرنه، لێ زانیاری ل سەر زەراران نەهاتنە دایین.
16ێ ئیلۆنێ ژی، هێزێن ترکیێ گوندێن ئوم ئەل-خێر، دەردارە و تەویلە یێن ناڤچەیا تل تەمرێ تۆپباران کربوون.