ھاک-پار کوشتنا ژینا ئەمینی ب توندی شەرمەزار دکە

ھاک-پار کوشتنا ژینا ئەمینی ب توندی شەرمەزار دکە

پارتیا ماف و ئازادیان (ھاک-پار) دەربارێ کوشتنا کەچا کورد مەھسا ئەمینی (ژینا ئەمینی) یا ژ ئالیێ پۆلیسێن ئیرانێ ڤە جڤینەک چاپەمەنیێ ل دار و کوشتنا کەچا کورد ب توندی شەرمەزار کر.

رێخستنا باژارێ دیاربەکر یا پارتیا ماف و ئازادیان (ھاک-پار) ب جڤینەکا چاپەمەنیێ داخویانیەک دەربارێ کوشتنا کەچا کورد مەھسا ئەمینی ژ بۆ رایا گشتی پارڤە کر.

داخویانی ژ ئالیێ سەرۆکێ ھاک-پارێ یێ دیاربەکر ڤاسف قەهرەمان ڤە ھات خوەندن.

د داخویانیێ دا ھات ئاماژەکرن کو ھاک-پار ب توندی رەژیما پاشڤەروو یا مەلایێن ئیرانێ شەرمەزار دکە. بال ھاتە کێشان کو ئیران ب سالانە دارڤەکرن، ئیشەکنجە و بنپێکرنێن مافێن مرۆڤان پێک تینە و بانگ ل وەلاتێن نوژەن و پێشڤەروو ھات کرن کو ھەمبەر کریارێن ھۆڤانە یێن ئیرانێ ھەلوەست نیشان بدن.

بانگ ل گەلێ ئیرانێ ژی ھات کرن کو ھەمبەر کوشتنا مەھسا ئەمینی بەرتەک نیشان بدن.

ماھسا ئەمینی یا 22 سالی ژ باژارێ سەقز یێ رۆژھلاتێ کوردستانێ بوو و رۆژا 13ێ ئیلۆنێ ژ بۆ سەردانا خزمێن خوە ل تەھرانێ بوو و د مەترۆیێ دا ب ھێنجەتا سەرنەگرتی بوو ژ ئالیێ پۆلیسێن ئیرانێ ڤە ھاتبوو بنچاڤکرن و راستی ئێشەکنەجەیێ ھاتبوو و د ئەنجامێ دا ژی ژیانا خوە ژ دەست دابوو.

پوستێن ھەمان بەش