سەرۆک بارزانی سەرساخی ل مالباتا ژینا ئەمینی کر

سەرۆک بارزانی سەرساخی ل مالباتا ژینا ئەمینی کر

سەرۆک مەسعوود بارزانی د پێوەندیەکا تەلەفۆنی دا لگەل مالباتا ژینا ئەمینی، سەرساخی ل مالباتا وان کر و ھەڤخەمیا خوە نیشان دا.

بارەگەھا بارزانی د داخویانیەکێ دا راگھاند، “سەرۆک مەسعوود بارزانی ئیرۆ 19ێ ئیلۆنا 2022یێ ب ریا تەلەفۆنێ پێوەندی ب مالباتا ژینا ئەمینی کر و ھەڤخەمیا ژ بۆ جانژدەستدانا ژینا ئەمینی پێ راگھاند و ھێڤیا سەبر و ئارامیێ و جێبەجێبوونا دادوەریێ ژ بۆ وان خواست.”

ژینا ئەمینی (مەھسا ئەمینی) کەچەکا کوردا 22 سالی بوو، رۆژا 13ێ ئیلۆنا 2022یێ لگەل برایێ خوە ژ باژارێ سەقزێ سەردانا تەھرانێ کربوو و ژ بەر کو حیجابا خوە ب ئاوایەکێ رێکوپێک گرێ نەدایە ژ ئالیێ پۆلیسان ڤە ھاتە بنچاڤکرن و پشتی دو دەمژمێران ژ بۆ نەخوەشخانەیێ ھات برن و رۆژا 16ێ مەھێ ل نەخوەشخانەیێ جانێ خوە ژ دەست دا.

مالباتا ژینا و چالاکڤانێن رۆژھلاتێ کوردستانێ دبێژن، ژینا د بن ئەشکەنجەیێ دا ھاتیە کوشتن. لێ پۆلیس ژی دبێژە، ژینا ژ بەر جەلتەیا دلی جانێ خوە ژ دەست دایە.

پوستێن ھەمان بەش