ل دیاربەکرێ ژنێن ئەندامێن پلاتفۆرما ژنان یا دیجلە ئامەدێ «DAKAP» کوشتنا کەچا کوردا رۆژھلاتی، ژینا ئەمینی ب چالاکیەکێ پرۆتەستۆ کر. ژنان د داخویانیێن خوە دا کارڤەدان نیشانی رەژیما ئیرانێ دان و گۆتن؛ ژ بەر کو ژنێن کورد ل ھەمبەری رەژیما ئیرانێ سەری نادانن ھەر رۆژ راستی سزایێن گران تێن.
ئەندامێن DAKAPێ، ل پارکا «ھازال» یا ناڤچەیا «یەنیشەھیر»ێ کۆم بوون و ب درووشم و بەلاڤۆکان کوشتنا ژینا ئەمینی پرۆتەستۆ کرن. د کۆنگرەیا رۆژنامەگەری دا پارلەمەنتەرا ھەدەپێ «گولستان کلچ کۆچییگیت» گۆت؛ ئەو کوشتنا ژینا ئەمینی ب توندی شەرمەزار دکن و پشتگریا خوەیا ژ بۆ ژنێن تێکۆشەرێن ل دژی رەژیما ئیرانێ نە رادگھینن.
د داخویانیێ دا کو ل سەر ناڤێ ژنان ھات راگھاند، وھا ھات گۆتن: “ل کوردستانێ، ترکیا، ئیراق، ئیران، سووریێ، ئازەربایجان، ئەفغانستان، پاکستان و ئەرمەنستانێ ھەر رۆژ ژن راستی دەستدرێژیێ و توندیێ تێن. ئەم دێ ل ھەمبەری شەر و رەژیمێن ل دژی ژنان ل قادان بن و دێ مافێن خوەیێن دەمۆکراتیک ب کار بینن. ئەم دێ جیڤاکەک دەمۆکراتیک، ئازاد، ئەکۆلۆژیک، ئازاد و وەکھەڤ ئاڤا بکن.”
ژنان پشتی داخویانیێ، چالاکیا روونشتنێ ل دار خستن و درووشم گۆتن و بەلاڤ بوون.
