ل باژارێ سێرتێ یێ باکوورێ کوردستانێ د ئەنجاما شەرێ ب کەڤر و داران یێ د ناڤبەرا 2 گرۆپان دا 9 کەس بریندار بوون.
نیقاشا د ناڤبەرا دو کۆمێن د رێیا «ئایدنلار» یا تاخا نوویا ناڤەندێ ژ بەر سەدەمەکا نەدیار، ڤەگەریا شەرێ ب کەڤر و داران. د شەرێ کو تێدا ئالیان کورسی ئاڤێتن ھەڤدوو 9 کەس بریندار بوون.
پشتی کو شەر ب مداخلەیا پۆلیس و خەلکێ دەردۆر ب زەحمەتی ھاتیە راوەستاندن، بریندار ژی ژ بۆ نەخواشخانەیێن دەردۆر ھاتن راکرن.
پۆلیسان 4 کەسێن ب گومان کو تەڤلی شەری ببوون خستن بنچاڤان. ھاتە زانین کو کەسێن تەڤلی شەری بوونە ل دو گوندێن جیرانێن ناڤچەیا «شیرڤانێ» نە.
