رێخستنا “جوانێن شۆرەشگەر” یا گرێدایی پەکەکێ کەچەکا 15 سالی یا ژ تاخا شێخمەقسوودا حەلەبێ رەڤاند.
بێریڤان عەبدولحەمید محەمەد یا 15 سالی د 21ێ تیرمەھێ دا ھاتبوو رەڤاندن و ژ بۆ لەشکەریا نەچاری هاتیە برن.
ھاتە ھینبوون کو بێریڤان د سالا 2007ێ دا ژ دایک بوویە، ب ئەسلێ خوە ژ عەفرینێیە و تەڤی مالباتا خوە کۆچی تاخا شێخمەقسوود کریە.
ھات راگھاندن کو کەچا جوان ل تاخا ناڤبۆری ل بەر جهەکێ دروونکاریەکێ ھاتیە رەڤاندن. مالباتا بێریڤانێ بانگ ل ھەسەدێ کر و خواست کەچا وان بێ بەردان.
ل تاخێن ئەشرەفیە و شێخمەقسوودێن حەلەبێ کو وەکە تاخێن کوردان تێن ناسکرن، و ھەر دو تاخ د بن کۆنترۆلا ھێزێن سووریەیا دەمۆکراتیک (قەسەدێ) دە نە، دەردۆرا 200 ھەزار کورد دژین.
پشتی کو عەفرین ژ ئالیێ ھێزێن چەکدارێن ترکیێ و ئارتێشا نشتمانی یا سووریێ (SMO) ڤە ھاتیە داگیرکرن، گەلەک وەلاتیێن عەفرینێ کۆچبەری ڤان تاخێن حەلەبێ بوون. مرۆڤێن کو پرانیا وان ئەرد و مالێن خوە ژ دەست دانە، د ناڤا هەژاریێ دا دژین. جوانێن شۆرەشگەر ب خاپاندنا زارۆکێن کو ژ بەر شەرت و مەرجێن ژیانێ رەوشا وانا دەروونی تێک چوویە، وەکە چەکدار بکارتینە، یانژی وان درەڤینە.
تەڤی کو قەسەدێ د سالا 2019ێ دا لگەل نەتەوەیێن یەکبوویی دا پەیمان ئیمزە کر کو لەشکەرکرنا زارۆکان ب داوی بکە، لێ رەڤاندن و لەشکەرکرنا زارۆکان هەیا نها بەردەوام دکە.
