بالافره‌كه شەر یا ترکیێ بارەگەها چەکدارێن یەکینەیێن بەرخوەدانا شنگالێ (یه‌به‌شه) یا ل ناحیا گر عزێر یا سەر ب شنگالێ ڤه بۆمبەباران کر و چه‌كداره‌كێ وان یێ ب ناڤێ سه‌رحه‌د بریندار بوو.
دوهـ پشتی نیڤرۆ 23ێ ئیلۆنا 2022ێ، بالافرێن شەر یێن ترکیێ بارەگەهەکە چەکدارێن یەکینەیێن بەرخوەدانا شنگالێ (یه‌به‌شێ) یا ل ناحیا گر عزێر یا سەر ب شنگالێ کرە ئارمانج، د ئه‌نجامێ ده، چه‌كداره‌كێ باكورێ كوردستانێ یێ ب ناڤێ سه‌رحه‌د بریندار بوویه.
ژ بەر بۆمبەبارانێ زیانەکە مەزن ل بارەگەهێ کەتیە، لێ یه‌به‌شێ دەربارێ زیانێن جانی و ماددی ت زانیاری به‌لاڤ نه‌كرنه.
ئەڤنە جارا یەکەمە کو بالافرێن شەر یێن ترکیێ بارەگەهێن چەکدارێن یه‌به‌شێ یێن گرێدایی په‌كه‌كێ ل ناڤچەیا شنگالێ بۆمبەباران دکن و چەند جارێن دن ژی سەرکردەیێن یه‌به‌شێ ل ناڤچەیێ هاتنە ئارمانج گرتن.
