رێخستنا په‌كه‌كێ ئیرۆ ناسنامه‌یا 3 چه‌كدارێن خوه یێن كه‌چ راگهاند كو ل سینۆرێ ئامه‌دێ یا باكورێ كوردستانێ كه‌تنه به‌ر ئێریشێ ده‌وله‌تا ترك و ژیانا خوه ژ ده‌ست دانه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا یه‌كشه‌می 25\9\2022ێ ناسنامه‌یا 3 چه‌كدارێن خوه یێن كه‌چ ئه‌شكه‌ره كر كو ل 20 ئیلۆنا ئیسالێ ل سینۆرێ ئامه‌دێ كه‌تنه به‌ر ئێریشێ ده‌وله‌تا ترك و ژیانا خوه ژ ده‌ست دا نه.
ئه‌ڤ 3 كه‌چێن كو په‌كه‌كێ ئه‌و د به‌رخوه‌دانا خوه یا ساخته ده وه‌ندا كرین، ناڤێن وان عالیه، خه‌دیجه و هاجه‌رن، ئه‌و ژ باژارێن وانێ، شرنه‌خێ و ئامه‌دێ نه، په‌كه‌كێ ئه‌و وه‌كه ب هه‌زاران كه‌چێن دن یێن كوردان خاپاندن و ب ناڤێ به‌رخوه‌دانێ به‌رێ وان دا مرنێ.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كریه.
