قایمەقامێ ناڤچەیا ماوەت راگھاند، فرۆکەیێن شەر یێن ترکیێ گوندێ گەلالە یێ ل سینۆرێ ناڤچەیا ماوەتا پارێزگەھا سلێمانیێ بۆمبەباران کر.
قایمەقامێ ماوەت کاروان حەسەن راگھاند، نھا ئەو جھێن کو دکەڤن سینۆرێ گوندێ گەلالە، ژ ئالیێ فرۆکەیێن شەر یێن ترکیێ ڤە ب توندی تێنە بۆمبەبارانکرن.
کاروان حەسەن ئەشکەرە کر، جھێ کو دکەڤە سینۆرێ گوندێ گەلالە، دو جاران ھات بۆمبەبارانکرن.
ھەروھا دیار کر، باسکێ قەلێ، گەلیێ کلاوە و گەلیێ کوێرە یێن ل سینۆرێ گوندێ گەلالە، ژ ئالیێ فرۆکەیێن شەر یێن ترکیێ ڤە ھاتن ئارمانجکرن.
قایمەقامێ ماوەت ئەشکەرە کر، ل جھێن کو ھاتنە بۆمبەبارانکرن، زرار و زیان ھین نایێن زانین.
