“بەشەک ژ جوانێن کورد رۆژا 25/9/2022یێ، ل ئامەدێ، د یاریا فووتبۆلێ یا ئامەدسپۆر و بوورساسپۆرێ دا ئالایا کوردستانێ ھلدان و درووشما “بژی کوردستان” بلند کرن.
ژ ڤان جوانێن کورد 5 کەس ژ ئالییێ پۆلیسێن دەولەتا ترک ڤە ھاتنە دەستەسەرکرن.
ئالایا کوردستانێ ئالایا گەلێ کوردستانێ یە و نوھا ل ھەرێما فەدەرەیا باشوورێ کوردستانێ وەک ئالایا فەرمی ھاتییە قەبوول کرن.
ئالایا کوردستانێ ژ ئالییێ دەولەتا ئیراقێ و ھەموو دەولەتێن جیھانێ ڤە ژی ھاتییە قەبوول کرن.
کوردستان ژی ناڤێ وەلاتێ گەلێ کوردستانێ یە.
سەرۆکۆمار و وەزیرێن دەولەتا ترک ژی گەلەک جاران د ھەڤدیتنێن ل گەل رایەدارێن ھەرێما کوردستانێ ل گەل ئالایا کوردستانێ وێنە کشاندنە.
ئالایا کوردستانێ و درووشما “بژی کوردستان” ژی 2 نرخ و ناڤێن مەشرووعن، سەربلندییا ھەموو کورد و کوردستانییێن جیھانێ نە.
ب چ ئاوایی نایێ قەبوول کرن کو جوانێن کورد ژ بەر ھلدانا ئالایا کوردستانێ و ژ بەر بلند کرنا درووشما “بژی کوردستان” بێنە دەستەسەر کرن.
جوانێن کورد دڤێت دەملدەست بێنە بەردان.”
26/9/2022
نڤێسینگەها چاپەمەنی و راگەھاندنێ یا پاکێ