“ڤەگەرا خەلکێ ب ڤەگەرا پێشمەرگە ڤە گرێدایییە”

رێڤەبەرێ باژارۆکێ قەراج، ھەیسەم ئەحمەد راگھاند، ژ بەر ڤالاھیا ئەولەھیێ، لڤ و تەڤگەرێن داعشێ ل ناڤچەیێ ھەنە، ب تایبەتی ژی ل دەردۆرا چیایێ قەرەچووخێ.

ھەیسەم ئەحمەد راگھاندیە، ڤەگەرا خەلکێ بۆ سەر جھ و وارێ خوە، ب ڤەگەرا ھێزێن پێشمەرگە بۆ وان دەڤەران ڤە گرێدایییە، لەورا رەوش مەترسیدارە.

ھەروھا ئەحمەد دەستنیشان کریە: “نھا رەوشا ئەولەھیێ یا ل ناحیا قەراج سەقامگیرە، لێ بەلێ ل ئالیێ چیایێ قەرەچووخێ ڤالاهیا ئەولەھیێ ھەیە، وەلاتیێن کورد گوندێن خوە ڤالا کرنە و د ناڤ وان گوندان دا تەنێ 3-4 مال مانە، سەدەما ڤێ یەکێ ژی رەوشا ئەولەھیێ و تونەبوونا ھێزێن پێشمەرگەیە.”

ھەیسەم ئەحمەد دبێژە: “ھەبوونا داعشێ ل ڤێ دەڤەرێ ھەیە، ب تایبەتی ل دەڤەرێن چیایێ قەرەچووخێ، دەربارێ گوندێن کوردان دا، ڤەگەرا خەلکێ ب ڤەگەرا ھێزێن پێشمەرگە بۆ سینۆرێ ناڤچەیا مەخموورێ ڤە گرێدایییە، ب تایبەتی ژی ناحیا قەراج، دا کو ئاساییش ڤەگەرە ناڤچەیێ، ژ بەر کو خەلک گەلەک ژ ڤێ رەوشێ دترسە.”