سەرۆکێن سەندیکایێن ترکیا و باکور ژ بۆ دۆزا تاھر ئەلچی ل دیاربەکرێ کۆم دبن

 ل دیاربەکرێ ب بەدشاریا سەرۆکێ یەکیتیا سەندیکایێن ترکیەیێ TTB دەربارێ دۆزا کوشتنا تاھر ئەلچی دا چالاکیەک برێڤە دچە.

ل سەر بانگا سەندیکایا دیاربەکرێ و وەقفا مافێن مرۆڤان یا تاھر ئەلچی دێ سەرۆکێ TTB و ھەژمارەکا سەرۆک و ئەندامێن بارۆیێن باکور و ترکیەیێ ل بەر دادگەھا دیاربەکرێ کۆم ببن و ب کۆنگرەیەکە رۆژنامەگەری ھەلوەستا شاندەیا دادگەھێ رەخنە بکن.

سەندیکایا دیاربەکرێ و وەقفا مافێن مرۆڤان یا تاھر ئەلچی، بەرتەکان نیشانی ھەلوەستا دادگەها 10ەمینیا سزایێ گران یا دیاربەکرێ ددن و رادگھینن؛ نایێ خوەستن کو دۆزا کوشتنا تاھر ئەلچی بێ رۆنیکرن.

د 19ێ ئیلۆنێ دا ل سەر داخوازا سەردۆزگەریا کۆمارییا دیاربەکرێ، دادگەھا 10ەمینیا سزایێ گران بێی ئاگاھدارکرنا پارێزەران بریارا ئاگاھدارکرنا سەرۆکوەزیرێ بەرێ ئەحمەد داودئۆغلو یا دەربارێ کوشتنا ئەلچی دا بەتال کر. ئەحمەد داودئۆغلو د سەردانەکا خوەیا دیاربەکرێ دا گۆتبوو؛ “کوشتنا تاھر ئەلچی کوشتنەکا سیاسییە.” مالبات و پارێزەرێن تاھر ئەلچی داخواز کربوون کو سەرۆکوەزیرێ وێ دەمێ ئەحمەد داودئۆغلو د دادگەھێ دا بێ گوھدارکرن.

سەرۆکێ بارۆیا دیاربەکرێ تاھر ئەلچی د 28ێ مژدارا 2015ێ دا، د دەما داخویانیەکا ل دژی شەر و ئالۆزیێن ناڤ باژێر دا ھاتبوو کوشتن. 4 سال و 6 مەھان پشتی کوشتنا ئەلچی ئیدیعانامە ھاتبوو ڤەکرن.