هەر 5 کەسێن کو ل ئامەدێ ژ بەر بلندکرنا ئالایا کوردستانێ هاتبوون بنچاڤکرن، ژ ئالیێ دادگەهێ ڤە ب مەرج سەربەست هاتن بەردان.
پێر د هەفتەیا 6مین یا لیگا 2 یا فوتبۆلا ترکیێ دە، تیما ئامەدسپۆر ل ئامەدێ مێڤانداریا تیما بورساسپۆرێ کربوو، هن ئالیگرێن ئامەدسپۆرێ ب بلندکرنا ئالا کوردستانێ و ب گۆتنا “بژی کوردستان” پشتگری دان تیما خوە.
ژ ئالیێ وەزارەتا ناڤخوە یا ترکیێ ڤە ژ بەر هن جوانێن ئالیگرێن «جوانێن نەتەوی یێن کوردستانێ» کو د یاریا ئامەدسپۆر – بورساسپۆرێ دە ئالا کوردستانێ بلند کربوون، لێپرسین هاتبوو دەستپێکرن.
6 جوان ژی دوهـ دانێ سبێ ل ئامەدێ ب هنجەتا «پرۆپاگاندایا رێخستنێ كرنه» هاتن بنچاڤکرن.
جوانێن کو شەڤا خوە د گرتیگەهێ دە دەرباس کرن، ب مەرجێ قەدەخەیا دەرکەتنا دەرڤە و کۆنترۆلا ئەدلی، ئیرۆ دەرکەتن دادگەهێ و هاتن بەردان.
