هه‌ر یێك ژ رێخستنا په‌كه‌كێ و ئارتێشا تركیێ ئامارێن نوو یێن شه‌ر ئه‌شكه‌ره كرن و ل گۆری وان د 24 ساعه‌تێن ده‌رباسبوویی ده، 8 عه‌سكه‌ر و 6 گه‌ریلا هاتنه كوشتن.
ل گۆری ناڤەندا راگهاندنێ یا هه‌په‌گێ، د 24 ساعه‌تێن ده‌رباسبوویی ده، ل ناڤچه‌یێن زاپێ و ئاڤاشینێ 8 لەشکەرێن ترک هاتنە کوشتن، هه‌ر وها گۆت كو د داویا مەها خزیرانێ دە ل هەرێما کوردستانێ د شەرێ ل دژی ئارتێشا ترک دە 5 گەریلا شەهید بوونە.
ژ ئالیێ دن ڤە، وەزارەتا به‌رگریێ یا ترکیێ رۆژا سێشەمێ 27/9/2022ێ راگهاند کو ل ناڤچه‌یا زاپێ د ئەنجاما ئێرشا بالافرێن بێ مرۆڤ دە 6 گەریلا هاتنه ئارمانج گرتن.
ئارتێشا ترکیێ 18ێ نیسانا 2022ێ، ل ئاڤاشین، مه‌تین و زاپێ ل دژی رێخستنا په‌كه‌كێ ل هەرێما کوردستانێ ئۆپەراسیۆنەک ل دار خست.
وەزارەتا به‌رگریێ یا ترکیێ دبێژه کو 391 گەریلا و 61 لەشکەر هاتنە کوشتن، هه‌په‌گه ژی دبێژه 2063 لەشکەرێن ترک و 116 گەریلا هاتن کوشتن!!.
