فەرماندارێ هێزێن پارتیا ئازادیا کوردستانێ (پاک) حسێن یەزدان پەنا تەکەز دکە، ئێریشێن گران ل بارەگەهێن وان تێن کرن و زیانێن جانی ژی هەنە.
حسێن یەزدان پەنا راگهاند، ئێریشێن توند ژ ئالیێ ئیرانێ ڤە ل سەر بارەگەهێن وان ێن ل میحوه‌را کەرکووکێ ل پردێ هاتنە کرن و زیانێن جانی یێن مەزن هەنە.
گۆت ژی: ئێریش ب ریا مووشەک و درۆنەیان هاتنە کرن و هەتا نها ژی بەردەوامن.
د هەمان دەمێ دە ژی، ئیران ب ریا درۆنەیێن بۆمبەکری و مووشەکان ئێریشی سەر بارەگەهێن کۆمەلەیا زەحمەتکێشان یا کوردستانا ئیرانێ ل زرگوێز ل سلێمانیێ و پارتیا دەمۆکراتا کوردستانا ئیرانێ ل کۆیێ كرنه.
د وێ دەربارێ دە، جیگرێ سەکرەتەرێ کۆمەلەیا زەحمەتکێشان یا کوردستانێ رەزا کەهبی دیار کر، بەری بیستەکێ بارەگەهێن پارتیا وان ل نێزیکی ریا سەرەکە یا سلێمانی – قەرەداخ هاتن ئارمانجکرن و د ئەنجامێ دە بەشەک ژ بارەگەهێ هلوەشیا.
رەزا کەهبی دەستنیشان کر، هەتا نها ت زیانەکە جانی د ئەنجاما ئێریشا ئیرانێ دە دەرنەکەتیە و تیمێن وان یێن تەندروستیێ ژی د رەوشا ئامادەهیێ دە نە.
