ترکیێ ژی دەڤەرا برادۆستێ بۆمبەباران كر

فرۆکەیێن شەر یێن ترکیێ دەڤەرا برادۆستێ ل سینۆرێ باژارۆکێ سیدەکانێ بۆمبه‌باران كر، ل گۆر زانیاران ژی، جهێ هاتیە بۆمبەبارانکرن، بارەگەهێن په‌كه‌كێ لێ نە.

ئیرۆ رۆژا پێنجشه‌میێ 29\9\2022ێ فرۆکەیێن شەر یێن ترکیێ ل دەمژمێر 11:27 دەڤەرا برادۆستێ ل سینۆرێ باژارۆکێ سیدەکانێ بۆمبه‌باران كر، جهێ كو هاتیه‌ بۆمبه‌باران كرن، باره‌گه‌هێن پارتیا كاركه‌رێن كوردستانێ لێ هه‌نه‌.

ل گۆری ئاگاهیێن كو ژ چاڤكانیێن ناڤچه‌یێ هاتنه‌ وه‌رگرتن، هەتا نها فرۆکەیێن شەر یێن ترکیێ ل ئاسمانێ دەڤەرێ دگەرن و بۆمبەباران ژی بەردەوامە.

بۆمبەبارانا فرۆکەیێن شەر یێن ترکیێ د دەمەکێ دەیە، ئیرۆ ژ بۆ رۆژا شەشەم ل سەر هەڤ تۆپخانەیا ئیرانێ دەڤەرا برادۆستێ تۆپباران دکن و 3 ئەندامێن کۆمەلا زەحمەتکێشان بریندار بوون