کۆنسولخانەیا ئه‌مه‌ریكا ل هەولێرێ راگهاند، ئەو نکارن گارانتی بدن کو ئێریشێن ئیرانێ یێن ل سەر هەرێما کوردستانێ ب داوی بوونە.
کۆنسولخانەیا ئه‌مه‌ریكا ئیرۆ پێنجشەمێ د داخویانیەکێ دە ئاشکەرە کر، راپۆرتێن مەدیایی گهیشتنە دەستێ وان و تەکەزی ل سەر وێ یەکێ دکن کو ئێرشێن مووشەکی و درۆنان یێن ئیرانێ ل سەر پارتیێن کوردی یێن ل دژی تەهرانێ ل هەرێما کوردستانێ بەردەوامن. تەکەز کر ژی، حکوومەتا ئه‌مه‌ریكا د وێ باوەریێ دە یە کو ئەو ئێرشێن ئیرانێ ب داوی نەبوونە.
کۆنسولخانەیا ئه‌مه‌ریكا د داخویانیێ دە بانگ ل وەلاتیێن ئه‌مه‌ریكا هات کرن کو ژ بەر «تەرۆر، رەڤاندن، شەرێ چەکداری و ئالۆزیێن سڤیل» نەچن ئیراقێ، ژ بەر کو کارینا ئیراقێ یا ژ بۆ پشتگریکرنا وەلاتیێن ئه‌مه‌ریكایێ کێمە.
کۆنسۆلخانەیێ پاکێتەکە تەدبیران دەستنیشان کر و بانگ ل وەلاتیێن خوە کر کو پابەندی وان ببن وەک، دوورکەتنا ژ ناڤچەیێن سینۆری و دەڤەرێن ئارمانجکری ل پردێ یا ل نێزیکی کەرکووکێ، کۆیە و زرگوێز ل رۆژهلاتێ سلێمانیێ.
هەر وها هشیاری دا وان کو نێزی کۆمبوون و خوەپێشاندانێن مەزن نەبن، د هەمان دەمێ دە ژ وان خوەست ڤەشارتی بمینن و تێلەفۆنێن خوە یێن دەستان بپارێزن، هەر وها مەدیایا هەرێمی بشۆپینن، دا کو ژ نووترین زانایاریان ئاگاهدار بن.
