فه‌رمانداره‌كێ دنێ په‌كه‌كێ كو به‌ریا 4 مه‌هان ل باشوورێ كوردستانێ ژ هێلا ئارتێشا ده‌وله‌تا ترك ڤه هاتیه كوشتن، په‌كه‌كێ ژ نوو ڤه ئیرۆ مرنا وی راگهاند.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا شه‌می 1/10/2022ێ ناسنامه‌یا دو چه‌كدارێن خوه ئه‌شكه‌ره كر یه‌ك ژێ فه‌رمانداره كو به‌ریا 4 مه‌هان ل چیایێ مه‌تینایێ كه‌تنه به‌ر ئێریشێن هه‌وایی یێن ده‌وله‌تا ترك.
ئه‌ڤ هه‌ردو چه‌كدار یێك ژێ فه‌رمانداره ب ناڤێ جه‌واد ئه‌تاره‌ك و كۆدناڤێ نووری یه‌كتا یه، ئه‌و ژ باژارێ مه‌هابادێ یێ رۆژهلاتا كوردستانێ یه، ل 15 خزیرانا ئیسال 2022ێ ل چیایێ مه‌تینایێ هاتیه هه‌ده‌ف گرتن.
هه‌په‌گێ هه‌ر وها ناسنامه‌یا چه‌كداره‌كا خوه یا ژن ب ناڤێ عایشا تۆپراك و كۆدناڤێ ئامارا ئامه‌د ئه‌شكه‌ره كر كو ل هه‌مان رۆژێ كه‌تیه ل مه‌تینایێ كه‌تبوو به‌ر ئێریشێ بالافران.
نووری یه‌كتا فه‌رماندارێ كو په‌كه‌كێ ئیرۆ ناسنامه‌یا وی ئیفشا كری، ل سالا 1999 ته‌ڤلی رێخستنێ ببوو.
