دەمیرتاش بەرسڤا پەکەکێ ددە؟

دەمیرتاش بەرسڤا پەکەکێ ددە؟

ئێریشا چەکدارێن پەکەکێ ل مێرسینێ ژ ئالیێ ھەدەپێ و سەلاحەدین دەمیرتاش ڤە ھاتبوو شەرمەزارکرن. دەمیرتاش د داخوویانیا خوە دا گۆتبوو: ئەم دێ ل دژێ ھەموو جورێن توندوتیژیێ دەرکەڤین. ئەم دێ د سیاسەتا دەمۆکراتیک دا ئیسرار بکن. ئەز دخوازم ھەموو ئالیەک ڤێ یەکێ باش تێبگھن.

پشتی ڤێ ھەپەگێ د داخویانیەکێ دا ل ئێریشا مێرسینێ خوەدی دەرکەتبوو و پەسنێ ڤێ ئێریشێ ددا. لێ پەکەکە ژ پەیاما دەمیرتاش و ھدەپێ عاجز ببوو.

ب ئاوایەکێ د داخویانیا خوە دا بالا ھەردو ئالیان دکشاند و گۆتبوو:”بلا کەس نە ل بەندێ بیت کو چەکدارێن فەدایی یێن ئاپۆیی ب رەنگەکێ جودا تەڤبگەرن. یێن کو زماندرێژیێ ل ڤێ چالاکیا ب ھەیبەت دکن، بەریا ھەر تشتی بلا بالا خوە بدن سەر ئێریشێن ب چەکێن کیمیەوی یێن رەژیما قرکەر فاشیستا ئاکەپێ-مەھەپێ یێن ل دژی ھێزێن مەیێن گەریلا. یێن کو بکارئانینا چەکێن کیمیاوی ژ ئالیێ رەژیما فاشیست ڤە شەرمەزار ناکن، فەدایی یێن کو ژ بۆ پاراستنا نرخ و گەلێ کورد خوە فەدا دکن ب زمانێ دژمن شەرمەزار دکن. ئەڤ نێزیکاتی تەنێ ب تەپساندنێ دکارە بێ ڤەگۆتن. ھەڤرێیێن مەیێن کو ژ بۆ پێشی ل قرکرنا گەلێ کورد بگرن خوە فەدا دکن، نرخێن مەیێن ھەری پیرۆزن. یێن کو زماندرێژیێ ل ڤان نرخان دکن، دڤێ زانبن کو نە گەلێ مەیێ وەلاتپاێز نە ژی ھەقیقەتا فەدایێن مە تەمسیل ناکن.”

سەلاحەدین دەمیرتاش پشتی داخویانیا یەپەگێ ل سەر حەسابا خوە یا تویتەرێ داخویانیەک دا و ئەڤ داخویانی وەک بەرسڤا ھەپەگێ ھاتە نرخاندن.

دەمیرتاش دبێژە: “ئیسرارا د سیاسەتا دەمۆکراتیک و سیاسەتا ئاشتیێ دا ژ بۆ مە پرەنسیبن. دڤێت کەس ل بەندێ نەبە کو ئەم گاڤەکێ پاشدە باڤێژن. ئەم دێ د بن ھەر شەرت و مەرجی دا پرەنسیبێن خوە بپارێزن و ب ھەموو دەرفەتێن خوە داخوازا گەلا چارەسەریا دەمۆکراتیک و ئاشتیێ بینن زمان. ئەم دێ فاشیزمێ تونە بکن و تەقەز ب سەر بکەڤن.”

پوستێن ھەمان بەش