نڤیسکار و رەوشەنبیرەکی باژارێ حەلەبجە یێ باشوورێ کوردستانێ دلگرانە کو چما پارتیا ژیانا ئازادیا کوردستانێ (پەژاک) کو سەر ب پەکەکێ ڤەیە، ل سەر بۆمبەبارانکرنا پارتی و گەلێ رۆژھلاتێ کوردستانێ ل ھەرێما کوردستانێ ژ ئالیێ کۆمارا ئیسلامی یا ئیرانێ ڤە تشتەکی نابێژە. چما د ناڤا ھەموو پارتیێن رۆژھلاتێ کوردستانێ دا پەژاک نەبوو ھەدەف؟ دبێژە ژی “پەژاک ژ بۆ تێکبرنا ھەستا کوردایەتیێ ژ ئالیێ داگیرکەران ڤە ھاتیە ئافراندن.”
لێکۆلینەر و نڤیسکارێ حەلەبجە و خوەدیێ پرتووکخانەیا «هەژار موکریانی» ل باژارێ حەلەبجە «عەتا رەووف» راگهاند: “ئەم ماتمایی مانە، چەوا پەژاک دکارە ب هێسانی ل سەر سینۆرێ مەریوان و حەلەبچە و شارەزوورێ وەرە و هەرە و پارەیێ بەلاش و مووچەیێ بەلاش وەربگرە، ل بەر چاڤێ وان جوانێن کورد تێن شەهیدکرن، لێ دەنگێ وان تونەیە، پەژاک دارێ د دەستێ داگیرکەران دایە و خزمەتکارێ بیانیایە، نەخوە چما ئیرانێ ئێریشی تەڤ پارتیێن رۆژهلات کر لێ ئێرشی پەژاکێ نەکر؟ گەلۆ ما نە ئەڤ یەک نیشان ددە کو پەژاک چێکری و جاشا داگیرکەرانە؟”
هەر وها راگهاند “پەژاک ژ بۆ خاپاندن و رەڤاندنا زارۆکێن کوردان هاتیە چێکرن، هەیا کو ب ڤێ یەکێ خەلکێ ژ رۆژهلات ببن قەندیلێ و ل ور بدن کوشتن، وەکە رێزان جاڤید، رێزان جاڤید ژ بۆ نهایا رۆژهلات پێویستیەک بوو، لێ ل رۆژئاڤا کوردستانێ ژ بۆ بەرژەوەندیێن خوە ئەو دا کوشتن.”
ئەڤ نڤیسکار و رەوشەنبیرێ باژارێ حەلەبچە دبێژە، “پەژاک بەرھەما خیانەت و جاشتیا پەکەکێ یە. پێویستە ئالیێن رۆژھلاتی ڤێ ھەلوەستێ ژ بیر نەکن و تۆلا سبەرۆژا جاشتیێ ژ وان ھلینن. دڤێت خەلک د زووترین دەم دا ژ وان دوور بکەڤن و رێزێن وان ب جی بهێلن.”
