باژارۆکێ سمیلانێ سەر ب ناڤچەیا چۆمانا گرێدایی پارێزگەھا ھەولێرێ، ژ ئالیێ تۆپخانەیێن ئیرانێ ڤە تێ تۆپبارانکرن.
ل گۆر ئاگاهیان، پێش دەمەکی زۆزانێن سارتکەیێ ل سینۆرێ باژارۆکێ سمیلان د بن تۆپبارانێن توندێن تۆپخانەیێن ئیرانێ دە بوویە.
زۆزانێن سارتکەیێ جھێ کۆچەرانە و ھەژمارەکا مەزنا خەلکێ ناڤچەیێ ژی کارێ چاندنیێ ل وێ دەرێ دکن.
پشتی کوشتنا کەچا کوردا رۆژھلاتێ کوردستانێ ژینا ئەمینی و دەرکەتنا خوەپێشاندانان ل رۆژھلاتێ کوردستانێ و ئیرانێ، رۆژانە ناڤچەیێن سینۆری یێن ھەرێما کوردستانێ تێن تۆپبارانکرن و زیانێن مادی یێن مەزن گھیشتنا زۆزان و دارستانان.
ھەروھا رۆژا 28ێ ئیلۆنێ ژی، سوپایێ پاسدارێن ئیرانێ ب ریا درۆنەیێن بۆمبەکری و مووشەکان ئێریشی سەر بارەگەھێن پارتیا دەمۆکراتا کوردستانا ئیرانێ ل باژارۆکێ کۆیێ، کۆمەلەیا زەحمەتکێشان یا کوردستانا ئیرانێ ل زرگوێز ل سلێمانیێ و پارتیا ئازادیا کوردستانێ ل پردێ کرن. د ئەنجامێ دا 17 کەس شەھید بوون و زێدری 50 کەسان ژی بریندار بوون.
