فەرماندارێ جەندرمەیێن باژارێ ئافیۆنێ «یلماز کرگەل» بەریا یاریا فوتبۆلێ کو بریارە ئیشەڤ د ناڤبەرا ئامەدسپۆر و ئافیۆنسپۆر بهێتە ئەنجامدان، ب زمانەکێ توند ل دژی ئامەدسپۆرێ ئاخڤی و گۆتنێن وی، راستی بەرتەکان ھات.
فەرماندارێ جەندرمەیێن باژارێ ئافیۆنێ یلماز کرگەل دوھ لگەل رێڤەبر، لیستکڤان و کۆمیتەیا تەکنیکی یا ئافیۆنسپۆرێ دا ھات جەم ھەڤ و پشترا داخویانی دا.
یلماز کرگەل بەحسا ئێریشا پەکەکێ یا ل مێرسینێ کر و گۆت کو دڤێ ئافیۆنسپۆر تەکەز ب سەر بکەڤە و گۆت: “دلێ مە لگەل وەدایە، کارێ وە یاریا فوتبۆلێ یە. ب راستی ھوون وێ گەلەک باش دکن، یا دمینە ژی ژ بۆی مە بھێلن.”
کرگەل ھەروھا گۆت: “پێویستیا ئافیۆنێ ب سەرکەفتنێ ھەیە. ب تایبەتی پشتی ئێریشا تەرۆریستی یا مێرسینێ، ئەو تشتێ کو د دلێ من را دەرباس دبە دخوازم ببێژم، ھوون ب ئەنجاما 5-0 وان بپەلخینن و ئەم دێ ب وی ئاوایی وان ژ ڤێرە بشینن. وەکە من گۆت، یا دمینە ژی ژ بۆی مە بھێلن.”
گۆتنێن فەرماندارێ جەندرمەیێن ئافیۆنێ ل سەر مەدیایا جڤاکی بوو سەدەما بەرتەکان و ھات دیارکرن کو پشتی بەرتەکان، ئەو ڤیدیۆ ھاتیە ژێبرن.
