پەکەکێ کادرۆیەکی خوە یێ دن ژی تەسفیە کر

رێخستنا پەکەکێ هەری داوی یەک ژ کادرۆیێن خوە یێن دن ژی کو ب ئەسلا خوە خەلکێ باکورە ل کۆبانێ تەسفیە کر و وەکە هەرجار خوە بێدەنگ کر.

چاڤکانیێن تایبەت یێن پێگەها «دارکا مازی» ل رۆژئاڤا کوردستانێ ئەشکەرە کرن، یەک ژ کادرۆیێن پەکەکێ یێ ب ناڤێ “جەمشید ئارارات” کو بەرپرسێ یەکینەیا تایبەت ب دانین و هلگرتنا مایینانە، ل رۆژئاڤا باژارۆکێ کۆبانیێ ژ ئالیێ پەکەکێ ڤە هاتە کوشتن.

چاڤکانیێن «دارکا مازی» هەروەها ئەشکەرە کرن، ئەڤ کادرۆیێ پەکەکێ ب ئەسلا خوە ژ باکورێ کوردستانێ یە، شەڤا 10-11/9/2022ێ لگەل شۆفێرێ خوە ل دەما ڤەگوهاستنا هەژمارەک مایینان ل گوندێ «شیخلەر» یێ سەر ب باژارێ کۆبانێ یێ سەر ب پارێزگەها حەلەبێ ژ بۆ رۆژئاڤا کۆبانێ، ب رێیا زەلقاندنا مایینەکێ ب ترۆمبێلا وی ڤە ژ ئالیێ پەکەکێ ڤە هاتە کوشتن.

تەڤی کو شۆفێرێ ترۆمبێلا جەمشید ئارارات ژی لگەل وی دا بوو و هاتیە کوشتن، لێ هەیا نها چ ئاگاهی ل سەر ناسنامەیا شۆفێرێ وی نەهاتیە هینبوون.