ده‌وله‌تا ترك ئامارا شه‌ر راگهاند و ل گۆری وێ، 30 چه‌كدارێن گرێدای پارتیا كاركه‌رێن كوردستانێ ل باشوور و رۆژئاڤا كوردستانێ هاتنه كوشتن.
وەزارەتا به‌رگریێ یا ترکیێ رۆژا یەکشەمێ 2/10/2022ێ گۆت کو د دو ئۆپەراسیۆنێن جودا دە ل ئیراقێ و سووریێ نێزیکی 30 ئەندامێن پارتییا کارکەرێن کوردستانێ هاتنه بێباندۆر كرن، ده‌وله‌تا ترك ب گەلەمپەری پەیڤا «بێباندۆرکرن» ژ بۆی «کوشتنێ» ب کار تینە.
وەزارەتێ راگهاند، 23 ئەندامێن په‌كه‌كێ ل رۆژا 27 ئیلۆنا ئیسالێ ب ئێریشێن هەوایی ل ده‌ڤه‌را ئاسووسێ یا ل باشوورێ كوردستانێ هەدەف هاتنە گرتن.
ئارتێشا ترکیەیێ ژ نیڤەکا مەها نیسانێ ڤە ئۆپەراسیۆنان ل دژی جهێن په‌كه‌كێ و هەڤالبەندێن وێ ل باشوورێ كوردستانێ ئەنجام ددە و گەفا ئێرشەکا هەڤدەما مەزن ل دژی چەکدارێن پکک ل رۆژئاڤا كوردستانێ ژی دکە دا کو ل سەر سینۆرێ باشوورێ وەلاتێ خوە دەڤەرەکا ئەولەهییێ ب كووراهییا 30 كم دابمەزرینە
