“ئەز ل سەر کارێ خوە مە”

"ئەز ل سەر کارێ خوە مە"

دلشاھ ئەرجان یا کو دهێت ئیدیعاکرن د ئێریشا ل سەر مالا پۆلیسان یا ل مێرسینێ دا ژیانا خوە ژ دەست دایە، داخویانیەکا ڤیدیۆیی وەشاند و گۆت، “ئەز ل سەر کارێ خوە مە.”

یەک ژ کەسێن کو د 26ێ ئیلۆنێ دا ل ناڤچەیا مەزیتلی یا مێرسینێ ل بەر ئاڤاھیا پۆلیسان چالاکیا کو پەکەکێ کری دا بۆ مژارا گۆتوبێژان.

پشتی بوویەرێ یەکسەر وەزارەتا کارێن ناڤخوە راگھاند کو یەک ژ ئێریشکاران «دلشاھ ئەرجان» ب ناڤێ کۆد “زۆزان تۆلان”ە. لێ بەلێ د داخویانیێ دا دەربارێ چاڤکانیا ڤێ ئیدیعایێ دا چ ئاگاھی نەھاتن دایین.

دەما ھات فێھمکرن کو ناڤێ «دلشاھ ئەرجان» د راپۆرتا “رۆژنامەگەرێن گرتی” دا یا د سالا 2012ێ دا ژ ئالیێ CHP ڤە ھاتیە وەشاندن جھ گرتیە، بەشەک ژ چاپەمەنیێ و سیاسەتمەداران رەخنەیێن توند ل جەهەپێ گرتن.

پەکەکێ بەرپرسیاریا ئێریشێ گرت سەر خوە، ب داخویانیەکا نڤیسکی راگھاند کو «دلشاھ ئەرجان» د ئێریشێ دا جھ نەگرتیە و ئەڤ چالاکی ژ ئالیێ «دلارا ئوورپەر و ئەمەل فەرەمەز حسێن» ڤە ھاتیە ئەنجامدان.

ل سەر ڤێ یەکێ سەرۆکێ گشتی یێ جەهەپێ کەمال کلچدارئۆغلو حکوومەت ب درەوا ژ بۆ داخویانیا وەزیرێ ناڤخوە ڤە ھاتی کرن تۆھمەتبار کر و خواست راپۆرتا DNA یا ئێریشکارا بهێت ئەشکەرەکرن.

وەزیرێ ناڤخوە سۆیلو ژی بەرتەک نیشانی کلچدارئۆغلو دا و دیار کر کو ناڤێ «دلشاھ ئەرجان» ب ناسنامەیا شۆفێرێ تاکسیێ یێ کو ئەو ئانیبوو جھێ بوویەرێ دەرکەتیە ھۆلێ و د لێکۆلینا شۆپا تلیان دا ژی ھەڤبەری ھەیە.

ئیرۆ (3یێ جۆتمەھێ) ANF نیوس کو یەک ژ ئۆرگانێن چاپەمەنیێ یێن پەکەکێ یە، داخویانیەکا ڤیدیۆیی یا «دلشاھ ئەرجان» وەشاند.

د دیمەنان دا «ئەرجان» ئانی زمان کو بەرێ ژ بەر خەباتێن خوە یێن رۆژنامەگەریێ کەتبوو گرتیگەھێ و پشتی ژ گرتیگەھێ دەرکەت باوەریا خوە یا ب تێکۆشینا دەمۆکراتیک وندا کر و بەرێ خوە دا چیا.

دلشاھ ئەرجان گۆت، “رێخستنا مە بەریا نھا داخویانیا پێویست دابوو. ئەز ل سەر کارێ خوە مە.”

پوستێن ھەمان بەش