ل دیاربەکرێ سازیێن پیشەیێن ئابۆری، رێڤەبەریێن خوەیێن نوو ھلبژارتن. ژوورا پشەسازی و بازرگانیا دیاربەکرێ (DTSO) ژی ب 6 لیستەیان رێڤبرێن نوو ھلبژارتن. کارسازێن کو بەربژێرێن رێڤەبەریێ بوون و یێن کو دەنگ ب کار ئانین، ھێڤی و داخوازێن خوە راگھاندن.
ھلبژارتنێن ژوورا پشەسازی و بازرگانیا دیاربەکرێ، ب بەشداریەکا گرسەیی برێڤە چوو. 16 گرووپێن ئابۆری ژ بۆ رێڤەبریێن خوەیێن نوو ھلدبژێرن، ب لیستەیا کەسک، لیستەیا شین، لیستەیا سۆر، لیستەیا زەر، لیستەیا مۆر و لیستەیا پرتەقالی بەشدار بوون.
سەرۆکێ ژوورا پیشەسازی و بازرگانیێ یا دیاربەکرێ محەمەد کایا ژ بۆ کوردستان 24ێ دیار کر: “رێخستنا کارسازێن باژێر کو 21 ھەزار ئەندامێن وێ ھەنە، ب ڤێ ھلبژارتنێ رێڤەبریا خوە ھلدبژێرن. ھلبژارتن ژی ب بەشداریەکا باش دەرباس بوو. ژ بۆ ھلبژارتنا رێڤەبریا خوە، بەشداریا وھا گرسەیی کو کارساز تێن و دەنگێن خوە ددن، دەستنیشانا دەمۆکراسیێ یە و جیێ کێفخوەشییێ یە. ھێڤیدارم رێڤەبریا نوو ژ بۆ دیاربەکرێ ب خێر بە.”
بەربژێرێ لیستەیا شین یێ سەرۆکاتیا رێڤەبریا (DTSO)یێ «مووسا کاراگۆز» ژی دا زانین کو ئەو ژ بۆ گوھارتنێ بوونە بەربژێر و خواستنە کو ب پرۆژەیێن خوە سازیا کارسازان بپێش بخن.
مووسا کاراگۆز ژ بۆ کوردستان 24ێ دیار کر: “بەریا ھەر تشتی ھێڤیدارم، ژ بۆ دیاربەکرێ و کارسازان کیژا ب خێر بە، خوەدایێ تەعالا وی بکە.”
