پەکەکێ کوشتنا ئەندامەکا خوە ل سلێمانیێ پشتراست کر

پەکەکێ کوشتنا ئەندامەکا خوە ل سلێمانیێ پشتراست کر

ل تاخا بەختیاری یا سلێمانیێ ژنەک ب گولەیان ھات کوشتن، پەکەکە ژی رادگھینە، ئەو ئەندامەکا وانە.

بەردەڤکێ پۆلیسێن سلێمانیێ سەرکەوت ئەحمەد راگھاند، ئیرۆ دانێ سبێ ژنەک ب ناڤێ «ناگیھان ئاکارسەل» ل تاخا بەختیاری یا سلێمانیێ راستی ئێریشەکا چەکداری ھات و د ئەنجامێ دا ھات کوشتن.

دیار کر ژی، نھا تەرمێ وێ ژنێ ژ بۆ بزیشکیا دادێ یا سلێمانیێ ھاتیە برن و لێکۆلین دەربارێ ڤێ ئێریشێ دا ھاتیە دەستپێکرن.

پشتی ئێریشێ، مەدیایا فەرمی یا پەکەکێ دا زانین، ئەنداما ناڤەندا لێکۆلینێ یا ژنەۆلۆژیێ «ناگیھان ئاکارسەل» د ئێریشەکا چەکداری دا ھات کوشتن.

دیار کر ژی، «ئاکارسەل» ژ باژارێ کۆنیایێ بوو و کارێ رۆژنامەڤانیێ د کۆڤارێن ژنان دا کربوو. چەند سالن ل سلێمانیێ ژ بۆ بنگەھا ئاکادەمیا ژنەۆلۆژیێ دخەبتی.

پوستێن ھەمان بەش