ئارتێشا ترکیێ و گرووپێن چەکدارێن سەر ب وێ ڤە، ب زێدەتری ژ 40 تۆپان ناحیا زەرگانێ و گوندێ دادا عەبدالی یێن سەر ب تل تەمرێ ڤە تۆپباران کرن.
رەوانگەها سووری یا مافێن مرۆڤان بەلاڤ کر، ئارتێشا ترکیێ و گرووپێن چەکدار باژارۆکێ زرگانێ و گوندێ دادا عەبدال ب گرانی دان بەر تۆپان و د ئەنجامێ دە ژنەک بریندار بوو.
دا زانین ژی، ژ بەر گرانیا تۆپبارانێ، هەژمارەک ژ گوندیان مالێن خوە ب جیهـ هشتن و بەر ب جیهێ ئارامتر ڤه کۆچبەر بوون.
ل گۆری زانیاریێن خوەجهی ژی، هێزێن سەر ب ترکیێ ڤە گوندێن شۆر، ئەبۆش و دردارا یێن سەر ب تل تەمرێ ڤە ژی تۆپباران کرن.
دوهی ژی ئارتێشا ترکیێ و گرووپێن چەکداران گوندێن کۆبانێ، عەین عیسا و تل تەمرێ دان بەر تۆپان و د ئەنجامێ دە هەژمارەک کەسان بریندار بووبوون.
د دەما داوی دە، ئێریشێن ترکیێ ل سەر رۆژئاڤایێ کوردستانێ و هەرێمێن د بن کۆنترۆلا هه‌سه‌دێ دە زێدە بوونە. دوهی ژی وەزارەتا بەرەڤانیێ یا ترکیێ کوشتنا 7 ئەندامێن هه‌سه‌دێ د ئێریشەکە وان دە راگهاندبوو.
