گرووپێن چەکداران یێن ئۆپۆزیسیۆنا سووریێ یێن كو ئارتێشا ترکیێ پشتگریێ دده وان، 7 وەلاتیێن کورد ژ گوندەکێ عەفرینێ رەڤاندن.
رێخستنا مافێن مرۆڤان ل عەفرینێ د راپۆرتەکێ دە بەلاڤ کر، گرووپا چەکداران یا ب ناڤێ «فەیلەق ئەل-شام» دوهی 8ێ جۆتمەها 2022ێ، 7 وەلاتیێن کورد ژ گوندێ برج حەیدەرێ یێ ناڤچەیا شێرەوا رەڤاندن.
ناڤێن کەسێن هاتنە رەڤاندن: «حەمزە ئەحمەد حەسەن، حەمۆ سلێمان گولەخەیری، سلێمان محەمەد گولەخەیری، سیدۆ عەلی گولەخەیری، محەمەد ئیبراهیم گولەخەیری، مەحموود ئیبراهیم گولەخەیری و مستەفا محەمەد گولەخەیری».
دیار کر ژی، چەکداران کەسێن رەڤاندی برن گرتیگەها ل گوندێ ئیسکا و ل هەمبەر بەردانا وان، داخوازا فدیێ دکن.
ژ دەما داگیرکرنا عەفرینێ ژ ئالیێ ئارتێشا ترکیێ و گرووپێن چەکدارێن سەر ب وێ ڤە د ئادارا 2018ێ دە، زێدەتر ژ 8 هەزار کوردێن عەفرینێ هاتنە رەڤاندن و هەتا نها چارەنڤیسا هەژمارەکە مەزن ژ وان نایێ زانین.
